JOHAN 16:27 - Cho Bible Common Language 2016

²⁷ A i ah kyasei ci ung Kapa amät naw nangmi ning m’hni gui ci. Nangmi naw kei nam hni ne, Khanpughi ungka ka lawk ciah nami yum ah hmawk ah, Kapa naw ning m’hni gui ci.

JOHAN 16:27 Referans Kwoze

JOHAN 14:21

“Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

1 JOHAN 4:19

Khanpughi naw nam hni gui ma sei, mikmi naw ani cu mi m’hni ci.

2 KORIN 5:14

Chang tumat cu chang avan ah hmawk ah si sei, chang avan naw ani awn a täng ah sik nak ami aut ah mawng cu tuhbäi keimi naw kami hmat pyi ci kya sei, keimi cu Bawi Khrih ah m’hni nak naw na uk gui pyi ci nei.

JOHAN 16:30

Nang naw a päng ang nüng na hmat cu, kami hmat pyi ci, kami ning shi vai a i kä om ba ci nei. A shin gui kami hmat nak awn nang cu, Khanpughi ungka na lawk ciah kami yum ci nei” cik ci gui.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

ZEPHANIAH 3:17

Bawipa na Khanpughi naw ning om püi ci nei; A huham naw näng nak ning pek khai. Bawipa cu nang ung yeikyai ne, amhni nak awn ghin nak akthai ning pek khai, Ani cu nang ah khan ah yei ne ng’äi m’cu khai.

HEBRU 12:6

A i ah kyasei ci ung, Bawipa naw am hni ah Chang phung cu m’düng ne, A hta ah k’bäi ne a dou phung cu M’kyuk ci nei,” ciah kyak ci.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

JOHAN 7:29

Cun ung phi kei cu ani naw na tüi law sei, ani ungka ka lawk ciah kya ne, kei naw ani cu ka hmat ci,” cine m’lau ne pyein ci.

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.