JOHAN 16:24 - Cho Bible Common Language 2016

²⁴ Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

JOHAN 16:24 Referans Kwoze

JOHAN 15:11

Shin ah ng’thu ka pyein cu, kei ah yeikyai nak nangmi ung gawk sei, nangmi ah yeikyai nak a khüm be vai ah hmawk ah kyak ci.

JOHAN 16:23

“Cun ah hnüüp ung nangmi naw kei cu a i phi kä nami na ng’shi ba khai. Kei naw akcang ka pyein cu, ‘Kei ah ming awn nami ng’yoih phung cu Kapa naw ning pe gui khai.

2 JOHAN 1:12

Kei naw ka pyein vai akda om pang sei phi, ca awn kä ka gu ba hlük ci nei. Mi van kümbe sei mi yeikyai nak vai ah, nami om nak ah ka mät law ngä sei, ng’hmuh ne mi ng’thu vai ka yum ci nei.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

1 GHANGPUGHANG GUI 18:36

Khaw k’awi täng khawihnah nak ah khin ung prophet Elijah naw sonkiang pei ah law neta ak taigü cu, “O Bawipa, Abraham, Issak, Jakob ni ah Khanpughi, Israel gui ah Khanpughi ah na kyak ah mawng, kei cu na na changshäm ah ka kyak ah mawng, shin gui avan nang ah thumkhän awn ka bi ah mawng cu tuhbäi m’dang law ä.

2 THESSALONIAN 1:2

Mi Pa Khanpughi la Bawipa Jesuh Khrit naw m’gein nak la dimdeeih nak cu ning pe gui sä.

ATÜNNAK 32:9

Cun kawn ah Jakob ah taigü cu, “Ka pughi Abraham ah Khanpughi, kapa Isaak ah Khanpughi, ka taigü cu na ngai pe ä! Nang Bawipa naw ka khaw, ka chang gui ah ka hteh ba vai ah na pyen ci. A päng ung na näng vai ah ka ning m’htei khai nei, na cik ci.

2 GHANGPUGHANG GUI 19:15

Taigü ci, “O Bawipa, Israel Khanpughi, na tüisho gui ah khan ah na mangkiang ung na ngok ci, nang bäng nei Khanpughi, khaw ah ka ung uknak khaw gui avan na uk ci, nang naw m’dek la khankhaw na tüishaw ci nei.

JOHAN 14:1

Bawipa Jesuh naw, “Nangmi kä ng’ä ai vä, Khanpughi yum vä, kei phi na yum vä.

JOHAN 14:14

Nangmi naw kei ah ming awn a i phi nami ng’yoih ah a kyak ung, nami ng’yoih ah mäih ah kei naw ka bik khai nei.”