JOHAN 15:7 - Cho Bible Common Language 2016

⁷ Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

JOHAN 15:7 Referans Kwoze

SAM 37:4

Yeikyai nak cu Bawipa ung shui vä, Ani naw nami m’lung ah ng’yak hlü cu ning pe gui khai.

1 JOHAN 5:14

Amät ah ng’yak hlü ah mi ng’yoih thäh phung cu na ngaih pe gui ciah ngaih gep nak om sei, mikmi cu Khanpughi ah ma ah mi k’thamah ci.

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

MATTHE 7:7

‘Ng’yoi vä nami gah khai, shui vä nami hmuk khai, kshoh cu khäk vä ning hmawn pe gui khai.

JOHAN 16:23

“Cun ah hnüüp ung nangmi naw kei cu a i phi kä nami na ng’shi ba khai. Kei naw akcang ka pyein cu, ‘Kei ah ming awn nami ng’yoih phung cu Kapa naw ning pe gui khai.

KALATIAN 5:16

Kei naw ka pyein hlü cu: Mumcha ah m’shüm thein ah mäih ah nami om vai nei, hnicim chang ah ng’yak hlü cu kä nami läk-en vai nei.

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

JEREMIAH 15:16

Nang naw na na ng’thu püi ci, na ng’thu päng cu kei naw ka ngai ci. Kei cu nang naw na na khäm ci, Bawipa, m’gäi ciah khanpughi, cun ah kyasei nang ah thu lung naw kei ah m’lung naw kei ah m’lung cu zeikia nak ah lünlowi nak awn be sak ci.

NG'THU K'THUUK~ 10:24

Düng ciah chang naw ang’yak hlü gah ci. Chang shekha naw a kyih pikbäih gah ci.

SAM 119:11

Na thukhän cu ka m’lung ung ka chum ci nei, Ning hnu ng’tuk püi ne katnak kä ka bik khai nei.

ISAIAH 58:8

“Cun ung kei ah bämang nak cu ngawi thaih hni pyü ah mäih ah na khan ah ng’shü sei, na nat nak gui a van cu ang ghit ah khan khai nei. Kei naw ungtäi sei ning om püi gui ne ka ning hungui ci; kei ah ka naw apäng avan ung ning shungvong gui khai.

THULÄÄN NAK 6:6

Tuhngawi kei naw ka ning pek ah shin ah thumkhän cu kä nam hnih phung vai.

1 JOHAN 2:14

Ka hta nau gui, nangmi cu Pa Khanpughi nami hmat ci kyasei ca ka ning guk law gui ci. Pa gui, nangmi cu ak htük ge ung om ciah Bawipa cu nami hmat ci kyasei ca ka ning guk law gui ci. Hmaw chang gui, nangmi cu nami khüighaat ci kyasei ca ka ning guk law gui ci: Khanpughi ah ng’thu cu nangmi ung om sei, nangmi naw khoshe cu tu ne nami näng pyi ci nei.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

NG'THU K'THUUK~ 4:4

kapa naw na m’theithang ci, ani naw pyen ci, “Ka ng’thu cu na shüm vai, kä na m’hnih phung vai, ka pyen ah mäih ah na bi vai, cun ung na ghing khai.”

JOB 22:26

Cun kawn ah Khanpughi cu angtäi sei na ngaih gep ung, nang ah yei nak ah ang yung ah a kyak cu na hmuk khai nei.

JOHAN 8:37

Nangmi cu Abraham ah hta ng’shon gui ah ka ning hmat gui ci. Cun ung phi kei ah m’theithang kä ng’ya hlü u ne, kei nami na ngawn khai ah nami tha nak ci.

JOB 23:12

Khanpughi naw ang thumkhän cu ang täi sei ka bik ci; ani ah ng’yak hlü cu ka läk ci, ka mät ah ng’yak hlü kä ka bik ci.

KALATIAN 4:2

Ani cu apa ah k’bäi nak ah akhin kä a gawk pha ung, ani m’hteihtang ci gui la m’cum’cäi ci gui ah kaa ung om ci.

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

JOHAN 8:31

Bawipa Jesuh naw yum ciah chang gui-am, “Nangmi cu kei ah kang thu yum ne, nami bi ung kei ah kang düihpüi ah nami kyak ci;