JOHAN 15:5 - Cho Bible Common Language 2016

⁵ Kei cu sapyit phung ah ka kyak ci, nangmi cu ang ban ah nami kyak ci. Nangmi cu kei ung kä nami ng’yung ung a i kä nami m’khüt khai. Chang tumat cu kei ung om sei, kei phi ani ung ka om ah a kiak ung ani cu akda ah m’theih tak khai.

JOHAN 15:5 Referans Kwoze

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

NG'THU K'THUUK~ 11:30

Düng nak naw ghin nak pek ci, cun ung phi ng’tukvok nak naw nawt pet yawp ci.

2 KORIN 13:8

Keimi naw ng’düng nak hnu na ne kä kami bi hlawt khai, düng nak lam ung om ne vah kami bi hlawt khai.

JOHAN 5:19

Bawipa Jesuh naw, “Kei naw akcang ka pyein cu,’ A Htapa naw amät ah ngaih ah a i kä bi hning ci, Apa ah bi bi a hmuh ah mäih ah vah bi bik ci. Apa naw abi cu A hta naw phi acun ah bi ba ci.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

JOHAN 12:24

Kei naw akcang ka pyein cu, geit m’shi cu m’dek ung kä va kya ne, kä thuce ne a om ah a kyak ung, amät ah kawn ah kä da lawpi hlawt khai nei. M’dek ung va kya netah, athu ce ung vah akda ah vuipai m’theih tak ba man ci;

ROMAN 7:4

Phäi nau gui aw, shin ah mawng cu nang mi awn phi ng’lüng ci nei. Nang mi cu Bawi Khrit ah pumsa ah nami kya pyi ci kya ne, thukhän ung nami ghin nak cu si pyi ci nei. Khanpughi ah khuut bi nak ung hnüntho ciah mi kyak nak vai ah sih nak ung ka tho ba ciah Bawi Khrit ah chang ah nami kya pyi ci nei.

PHILIPPIAN 1:11

Khanpughi ah bämang nak la m’hlüngtai nak vai ah hmawk ah Bawi Jesuh Khrit ung lawk ciah düng ciah ni kyom naknaw, nami ghin nak cu ning kümbe sak gui khai nei.

JOHAN 9:33

Ani cu Khanpughi ah kaa lawk ciah kä a kyak ung shin gui kä bi m’khüt khai sü te” cik ci.

PHILIPPIAN 4:17

Cun cu kei naw m’cümhnah ng’ya hlü ne ka pyein ah kä kyak ci, nang mi ah camhnüt ung a tang law pi vai ah ka pyein ah kyak ci.

ROMAN 6:22

Cun ung phi nang mi cu tuk bäi katnak ungka phyawng ne, Khanpughi ah khlei-htein ah nami kya pyi ci. Nang mi ah gah ah bämang nak cu, Bawipa am nami ghin nak ak be ah ap ne, ak hnu ah ang täi ghin nak nami gah ah kyak ci.

LAMKTU 4:12

Ani bäng cun vah Hun Bawi ah kyak ci, khomdek ah khan ung ani ah kawn ah, mikmi na hun gui khai, Khanpughi ah ghü u kä om ci” ci neh m’hlan ba gui ci.

1 KORIN 12:12

Bawi Khrih cu akda ah ng’phyeekpai ciah pumsa tumat awn täng ci; ang phyeekpai a hnga hnga a om ung phi pumsa cu tumat bäng ah kyak ci.

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

1 KORIN 12:27

Nangmi nami van cu Bawi Khrih ah pumsa ah nami kyak ci, nangmi ak chang sing cu, apumsa ah ng’phyeekpai ah nami kyak ci.

EPHESIAN 5:9

Akdei naw nikiom nak a hlühlü, kümbe htingling nak la düngdau nak gui cu dang sak ci.

2 KORIN 9:10

M’shi geit ciam, geit m’shi la ei vai pek ciah Khanpughi naw, nami ng’yak hlü ah m’shi avan cu ning pe gui ne, ng’lih pyo sak khai nei. Nami ng’khailang nak ungka chünla ciah am theihpai cun phi nami hmuk khai nei.

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.

ROMAN 12:5

Acun ah mäih ah mikmi cu mi da ung phi, Bawi Khrit ung mi kawng ät nak awn pumsa tumat ah mi kyak ci, Mikmi cu ng’phyeek ng’pai ciah pumsa tumat ah mäih ah mi ng’khih ng’kaih yawp ci.

1 KORIN 10:16

Mikmi naw Bawipa ah mü ei mi ei ung, Khanpughi cu m’hlüngtai ne khap cu la ne mi awk ung, Bawi Khrih ah si mi ng’pai tu ah kyak ci. M’htut cu k’bo ne la ne mi ei cun phi, Bawi Khrih ah sa mi ng’pai tu ah kyak ci.

HOSEA 4:8

Kei ah ka chang gui ah shetkat nak awn nangmi nami bühmang lawk ci. Cun ah kyasei nangmi naw nami shetkat law pi vai nami ng’ya hlük ci.

MATTHE 13:21

Cun ung phi ng’thu ni cu ngami ah m’lung kyong ung kä khäng htek ci, ashäng hta bäng gawk ne om ci. Ami dou ah ng’thu ni ah hmawk ah yaica nak la shedam nak ami aut law ung, acun vai-am ng’hlat ba ci gui.