JOHAN 15:25 - Cho Bible Common Language 2016

²⁵ Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

JOHAN 15:25 Referans Kwoze

SAM 109:3

Kei ah mawng akshe ah pyen u ne, amawng kä om ciah na ng’tuk püi ci gui nei.

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

SAM 35:19

Ami gai pyen ne na gaih m’gin ne ka di vai ah, ka ga gui cu kä näng-en sak gui ä. A mawng ma a i kä om sei na thüi nak ci gui naw, ka thüi sangung kä na mik m’ghi en ah u sä.

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

2 KORIN 11:7

Nangmi ak küikyang ah nami kyak vai ah hmawk ah, kei naw ka mät cu ng’neim sak ne, Khanpughi ah mawng Thu Ni cu, alä ah ka ning m’thein gui ci nei. Cun cu kei ah cheishoh ah kya naw?

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

2 THESSALONIAN 3:8

Kami sui-ei vai, kä kleih ne chang ah kaa kami ng’yoihthäh nak a i kä om ci. Nangmi tumat naw phi keimi ah hmawk ah kungkap nak kä a om vai ah, keimi cu amü ak hnüüp cümbawng ne bi kami bik ci nei.

KALATIAN 2:21

Kei naw Khanpughi ah m’gein nak cu kä ka ma phung khai. Cun ung phi chang tumat cu ng’thukhän awn Khanpughi ung düng nak gah ciah a kyak ung, Bawi Khrit ah sih cu a kholä ah kyak ci nei!

ROMAN 3:24

Cun ung phi chang gui hun gui ciah Jesuh Khrit ung, Khanpughi naw, a phu kä peit ah m’gein nak awn chang gui cu düng sak gui ci.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

JOHAN 10:34

Bawipa Jesuh naw, “Nami ng’thu khän ung Khanpughi naw, Nangmi cu Khanpughi ah mäih ah nami kyak ci cine pyein ci. Cacim ung om cicu angtäi ah bä ciah mi hmat ci.

SAM 7:4

ka püipaw cu kat na ne, amawngma kä om ciah guttep ci ka kyak ung,

JOHAN 19:36

Cun cu’ani ah guh tumat phi kä hnget khai’ ciah cacim ung om ci cu a khüm nak ah kyak ci.

MATTHE 10:8

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

JOHAN 13:18

“Nangmi nami van ka ning pyein gui ah kä kyak ci; ka ning ghü gui ah kyasei ka ning hmat gui yawp ci. Cun ung phi cacim ung, “Kei ah buh ei ci naw kei na khep ba ci nei” cicu kümbe khai nei.