JOHAN 15:24 - Cho Bible Common Language 2016

²⁴ Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

JOHAN 15:24 Referans Kwoze

JOHAN 14:9

Bawipa Jesuh naw, “Philip, kho cän güt ung nangmi awn a täng ah ka om ci, Kä na na hmat ci ma? Kei na hmuk ciah chang naw Kapa cu hmuk ci, a i ah kyasei, ‘Mipa nam hnuh gui ä’ na ci ang?

JOHAN 5:36

Cun ung phi Johan ah saksi ah däm pi ciah saksi nak kei ung om ci. Kapa naw na ap sei tuhbäi ka bilawh nak gui awn, kei cu Kapa naw ana tüih law ah mawng saksi cu dang ci nei.

JOHAN 10:37

Kapa ah ng’yak hlü ah kä ka bi ung kä nami na yum vai, kabi ung kei kä nami na yum ung phi kabilawh cu nami yum vai.

JOHAN 10:32

Bawipa Jesuh naw, “Kapa naw na tüi täk sei, kei naw akni gui ka bi pyi ci, cun gui yung kaa a i ah phäh ah, kei lung awn nami na vawih hlü ang?” cik ci.

JOHAN 9:32

Cau puyin ung tün ne, anupuk ung amik m’dauh ci m’dei ba sak ci, ci cu kä mi ng’ya man ci.

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

MATTHE 9:33

Bawipa Jesuh naw khoshe ak täm vai-am cun ah ak ang cu ng’thu law thei sei, cun hmuk ciah chang gui cu cäicat u netah, “Shin ah mäih ah a mawng ama cu Israel kho ung kä hmuh man nei,” ci ne pyein ci gui.

THULÄÄN NAK 5:9

A i a gup ah ma ung phi kä nami m’khuukdong vai, kä nami khawihnah vai, a i ah kyasei ci ung kei cu Bawipa nami Khanpughi, a u phi kä ka täng püi ci. Kei na gen ci gui ah khan ah m’kyuk nak ka law püi ci. Ami htangshon thum phli güt ung ka m’kyuk gui khai.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

2 TIMOTHI 3:4

Ngahmi cu ng’lihlak u ne, häipai u ne, ta-äh ne chang ah ng’shei khai gui nei: Khanpughi ah mä hlimtui nak düt cu m’hni pi khai gui nei.

ROMAN 1:30

chang ah mawng cu ak she ah pyein sak ci gui. Ami mät ng’shedam na tu u ne, chang ah ng’shei ne, khähgah ci gui. Shekha law pi k’täi khai ah ngaih-tüh u ne, ami nupa ah thu phi kä ngai ci gui.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

JOHAN 12:45

Kei na hmuk cicu kei na tüi lawk ci phi hmuk ciah kyak ci nei.

JOHAN 6:36

Cun ung phi nangmi naw, kei cu, na hmu lang u ne, kä nami na yum ci, ka ci pyi ci nei.

LUKA 24:19

Bawipa Jesuh naw, “A i ah a mawng gui ang?” cine ng’shi goi ci. Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei.

MAKUH 2:12

Chang khli ah ma ah cun ah chang cu tho law ne, a ih phak kawt ne hteit ba ci. Cun ah tho law ne a hteh ba cu hmu u netah, chang gui cu ang htei ah cäicat ci gui. “Shin ah mäih cu a i yah ung phi kä hmuh ng, yak man nei” cine Khanpughi cu m’hlüngtai ci gui.

MATTHE 21:32

Zohan naw nangmi ah law ne lam düng cu ning m’shüm gui sei phi, nangmi naw kä nami yum ci. Cun ung phi khawn look ci gui la chang hlawhlang gui naw yum ci gui nei. Shin ah a mawng ama gui nami hmuhmat kawn ah phi, nangmi cu nami m’lung thawng ne Zohan cu kä nami yum hlawt ci.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

SAM 81:15

Kei na thüi nak ci gui cu ka ma ah kyi ne kawp khai gui; Ngami ami m’kyuk nak cu kä ng’pyi hlawt khai nei.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

JOHAN 12:10

Taigüpa gui naw Lasaruh ngawn vai ah pawngpüi ci gui.

JOHAN 9:41

Bawipa Jesuh naw, “Nangmi nami mik am dauh vai sü ung tuhbäi nami kat nak kä om khai sü, cun ung phi keimi kami m’dei ci nei, nami cik ci kya ne, nangmi ung katnak om ci” cik ci.

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

JOHAN 15:22

Kei naw law ne kä kam thein gui vai sü ung ami katnak kä dang khai sü te; tuhbäi läi ami katnak a u naw phi käm’yih ba hlawt ci gui.

JOHAN 15:23

Kei na gen ci naw Kapa phi gen ci.

JOHAN 16:9

Kei kä ami na yum ah hmawk ah katnak cu dang yawp khai.