JOHAN 15:21 - Cho Bible Common Language 2016

²¹ Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

JOHAN 15:21 Referans Kwoze

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

JOHAN 16:3

Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

JOHAN 8:19

Ngami naw, “Napa cu a hawi ang?” cine ng’shik ci gui. Bawipa Jesuh naw, “Nangmi naw kei phi kä nami na hmat ci, Kapa phi kä nami hmat ci. Kei nami na hmat vai sü ung Kapa phi nami hmat khai sü te” cine pyen na gui ci.

MATTHE 24:9

“Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.

MATTHE 10:18

Mang ah im ung ning tuthat gui khai gui. Nangmi cu kei ah hmawk ah uk-chuk ci gui la ghangpughang gui ah ma ah ning hteh püi gui khai gui. Cun ah kyasei ngami gui la a pakhui hei gui-am ng’thu k’ni cu nami m’thein gui khai.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

THU PHLAAN 2:3

Nang cu hniimgei nak om ci, kei ah hmawk ah ang htei ah na yaica ci, kä nam lungksi ci,

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

1 KORIN 15:34

Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.

1 KORIN 2:8

Khodek khan bawi gui naw cun ah cüivai nak ah mawng cu a u naw kä hmat ci. Ngahmi naw ami hmat vai sü ung bämang ciah Bawipa cu kutlam tung ung kä ngawn khai sü gui te.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

LAMKTU 17:23

Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

LAMKTU 3:17

“Phäi naü gui aw, nang mi lah nami ng’vai gui naw, Bawipa Jesuh ah khan ah nami bi gui cu, i kä nami hmat su ah kyak ci, ci cu ka hmat ci nei.

JOHAN 8:54

Bawipa Jesuh naw, “Kei naw ka mät kamtam khah ung, kei ah hlüngtai nak cu a kholä ah kyak ci. Kei namtam khah cicu kei ah Kapa ah kyak ci. Ani cu nangmi naw kami Khanpughi nei” nami cik ci.

LUKA 6:22

“Chang ah Htapa ah hmawk ah chang gui naw, ami ning hnu ng’tuk püi gui ung, ami ning nawng gui ung, changshe ah ami ning pyein gui ung, nami yeikyai vai,

MATTHE 10:39

Amät ah hnun ghin nak vai k’tha nak ciah chang cu, a ghin nak maih khai, kei ah hmawk ah a hnun ghin nak pek ciah chang cu ghin nak gah khai.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

SAM 69:7

Nang ah hmawk ah kei cu na päipih ci gui, kei cu thui ng’a nak naw na shung ci.

MATTHE 5:11

“Kei ah hmawk ah chang gui naw ning shedam na gui ne, käng düng ci awn a hlü hlü ah a ning m’kat law gui ung, nangmi cu yeikyai nak om sä, nangmi cu kei na läk ciah nami kyak ci nei.

MAKUH 13:13

Kei ah hmawk ah chang van naw nangmi cu ning gen gui khai, cun ung phi akhnu ah khüt sei düng ciah chang cu hun nak gah khai nei.

LUKA 21:12

Cun gui kä a gawk law pha ung chang gui naw ning pha gui ne, ning dukdeiu na gui khai gui. Pum im ah m’khoichaa vai ah ning ap gui u ne, thawng ung ning chum gui khai gui. Nangmi cu kei ah hmawk ah ghangpughang ah ma, bawi ah ma ah nami gawk khai.

LUKA 21:17

Kei ah hmawk ah chang gui naw ning gen gui khai gui.

JOHAN 8:55

Nangmi naw ani cu kä nami hmat ci, cun ung phi kei naw ka hmat ci. Kä ka hmat ci ka ci ung ka hleei ka pyein ciah kyak khai. Kei naw Kapa cu akcang ah hmat ne ang thu cu ka ngai ci.

JOHAN 15:24

Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

JOHAN 17:25

“Düng ciah Kapa! M’dek chang gui naw kä ning hmat u sei phi, kei naw ka ning hmat ci nei. Shin ah chang gui naw kei cu, nang naw na na tüih law ah hmat ci gui nei.

LAMKTU 4:17

Cun ung phi shin ah a mawng cu chang khli naw kä a hmat ten tu vai ah cän kawn ah shin ah chang gawi naw Jesuh ah ming awn a i kä a ni pyein nen ba vai ah khen neh mi ma nah gawi khai nei” ci neh ng’ge ci gui.

LAMKTU 9:14

Ani cu k’taigü khem ah peit ah bi nak hning awn, nang ning khanihnah ciah chang gui cu, pha gui khai ah, Damaskas ah lawk ciah kiak ci nei” ci neh pyein ci.

LAMKTU 26:9

Kei ka mät naw phi Nazaret chang Jesuh ah ming awn hnu ng’tuk khai ah bi bi vai ka yum man ci.

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

3 JOHAN 1:7

Ngahmi cu kä yum ci gui ah m’theithang nak kä dou u ne, Bawi Khrit ah khuut bi vai ah ng’düi lawk ci gui ah kyak ci nei.