JOHAN 15:20 - Cho Bible Common Language 2016

²⁰ Nami shüm vai ah ka ning m’thein gui cu; ‘Chang shäm cu a bawi ah kä hlüngtai pi man ci.’ Kei ami na dukdeiu nak ung nangmi phi ning dukdeiu na gui khai gui; kei ah ng’thu ami ngaih ung nangmi ah ng’thu phi ngai khai gui.

JOHAN 15:20 Referans Kwoze

2 TIMOTHI 3:12

Bawi Khrit Jesuh ung kawng ät ne yum nak ung lünlawi hlük ciah ah chang phung cu dukdeiu nak gah khai nei.

JOHAN 13:16

Kei naw akcang ka pyein cu, “Changshäm cu khuimah ah mä kä tai pi man ci.

MATTHE 10:24

‘Ng’thei tuk ci cu, m’thei tuk ciah kä hlüngtai pi ci,

EZEKIEL 3:7

Cun ung phi Israel Chang gui a u naw phi kä ngai hlük khai nei; Ngami naw kei phi kä na ngai khai gui nei. Ngami ami van cu ami m’lung ling sei ai kä tä ci gui ah kyak ci.

2 KORIN 4:9

Mi gaa ada ung phi, teihpüi kä maih ci, ng’tään vai ah ami nam shän ung phi kä mi di ci.

1 KORIN 4:12

Keimi cu k’thagui na sei kami bilo ci. K’shedam nak kami gah ung hrilham kami pek ci; dukdeiu nak kami gah ung, kami hniimgei ci;

JOHAN 8:51

Kei naw akcang ka pyein cu, kei ah m’theithang läk ci phung cu ngawi ah phi kä sik khai” ci na gui ci.

LUKA 6:40

Ng’thei tuk cicu m’thei tuk ciah kä ng’vai pi ci, Cun ung phi ang thei tu yawp kawn ah a saya cu k’phaa hning ci.

1 THESSALONIAN 2:15

Cun ah Jew chang gui cu Bawipa Jesuh la profet gui ngawn u ne, keimi nak dukdeiu na gui ci gui ah kyak ci.

JOHAN 10:31

Cun ci khätah chang gui naw ami vawih nak vai lung kaw ba mä ci gui.

JOHAN 11:57

Taigüpa gui la ang vaipi gui naw, “Jesuh cu pha vai kya sei, ani ah om nak hmat ciah chang naw a pyein law vai nei” ci ne ng’thu ami m’shäk yawp pyi ah kyak ci.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

JOHAN 7:32

Cun ah chang gui naw, Bawipa Jesuh ah mawng ami pyein cu ng’ya u netah, pharise gui la taigüpa gui naw, gakap gui cu tüi ne Bawipa Jesuh cu phaa sak gui ci gui.

JOHAN 5:16

Cun ah kyin hnüüp ung akgaw a gai ba sak ung tün ne, Bawipa Jesuh cu Jew chang vai gui naw, gen lawk ci gui.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

1 SAMUEL 8:7

taigü ci, Bawipa naw, “Chang gui naw ami ning pyen nak phung cu na ngaih vai. Nang cu ngami naw ami hnu ng’tuk püi ah chang ah kä na kyak ci, kei vah ngami naw ami hnu ng’tuk püi ah ghangpughang ah ka kyak ci.

JOHAN 8:52

Ngami naw, “Nang cu khoshe naw a ning kai ah kami hmat ci nei, Abraham si pyi ci, profet gui phi si pyi ci gui, cun ung phi kei ah thu ngai cicu kä si hlawt khai” na cik ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

MAKUH 10:39

Ngani naw, “Kani m’khüt khai nei” cine pyein ci goi. Bawipa Jesuh naw, “Nangni cu akcang ah kei ah awk vai ah khap cu nani aw tuk khai, Kei ah tui hnim ah mäih tui nani ng’hnim tuk khai,