JOHAN 15:2 - Cho Bible Common Language 2016

² Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.

JOHAN 15:2 Referans Kwoze

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

MATTHE 15:13

Bawipa Jesuh naw, “Khankho Kapa ah geit ah kä kyak ciah a ging phung cu mawi ne ghawh vai nei.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

JOHAN 15:8

Akda ah nami m’theih tak nak awn Kapa ah bämang nak cu nami dang sak ci; nangmi cun phi kei ah ng’düihpüi ah nami kya lawk ci.

MATTHE 13:12

Khawh tak ciah chang cu k’be ba mä sei da law pi khai, khawh kä tak ciah chang cu ak om hta phi lak pe yawp khai.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

MATTHE 21:19

Lam pei ah baangghing tumat om sei a pei ah hteit ne teng ci. Cun ah baangghing cu käm theih ah a hnah gui bäng om ci. BawipaJesuh naw cun ah baangghing cu tawk ne, “Nang cu a ngawi ah phi kä nam theih khai,” cine taam khätah, acun vai-am cun baangghing cu ng’yai ne chawng ci.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

LUKA 8:13

Lung hmu ah kya lawk ciah m’shi ci cu, Khanpughi ah ng’thu ng’ya ne yeikyai ne yum ci gui ah kyak ci. Cun ung phi ngami ah m’lung kyong ah Khanpughi ah ng’thu cu kä khäng ne, ashäng hta düt lüng sei tüihtok nak a bui awt law ung maih yei ba ci.

MALAKHI 3:3

Ani naw ngui ng’ciim khai ah m’cim ah mäih ah m’khoichak khai nei. M’si shep naw ghui la ngui am cim ah mäih ah Bawipa ah ng’shä tüih naw taigü gui cu theing sak gui khai nei, cun ah kyasei ngami naw Bawipa am, ng’düng cicu pe lawk khai gui nei.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 KORIN 13:1

Kei cu m’dek chang ah thu a hlü hlü la khanchang ah thu ah ka ng’thu thei ung phi, m’hni nak kä a om ung, tum bä ung ng’ging ciah k’bei la ng’sheei ah mäih ah ka kyak ci.

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

JOHAN 17:12

Kei cu ngami awn kami om yah ung, nang naw na na peit ah ming, hlüngtai ciah ming awn kam htei gui ci. Kei naw ngami cu ka shungvong gui ci. Cacim ung om ciah mäih ah maih khai ah k’bäi ah chang tumat ah kawn ah tumat phi a u kä maih ci nei.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

MATTHE 13:33

Bawipa Jesuh naw a hei awn m’tumtäng ne am thein ba mä gui cu, “Khanpughi ah uknak kho cu shin ah mäih ah kyak ci. Hnumi tumat naw k’co cu la netah, m’htut den pyii taang ät ung k’caw sei, m’htut den avan cu tho ne pai ci,” ciah kyak ci.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

ISAIAH 29:19

Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

SAM 92:14

Cun cu a ghi law güt m’theih ne, angtäi sei m’kim ne khäng khai gui nei.

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

MATTHE 7:19

Chang gui naw akni ah käm theih ciah a ghing gui phung cu, chupit ne mei ung k’bum man ci gui.

MATTHE 25:29

Bühmang cicu peit ba mä ung bühmang law pi täi khai, cun ung phi ghawi-pyam ciah kaa cu, ak om hta phi lak peit yawp vai.

MAKUH 4:20

Chang amshah gui cu m’dek ni ung kya lawk ciah geit m’shi awn täng ci gui, ngami cu Khanpughi ah ng’thu ngai ng’ya u ne dou ci gui ah kyak ci. Ngami cu a thum-kip, ak chuk-kip, a phia ah vuipai m’theih tak ci gui” cine m’thein gui ci.

JOHAN 15:1

“Kei cu sapyit phung akcang ah ka kyak ci, Kapa cu kho ng’lei k’ngäng ah kyak ci.

JOHAN 15:3

Nangmi cu kei ah m’theithang nak awn nami theing cim pyi ci.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

ROMAN 11:17

Chang gui naw olive sing k’tui ah ng’ban cu m’chün u netah, pyupying k’thui ah ng’ban awn m’dün ne ng’ling ci gui. Pyupying k’thui naw, pyupying k’tui ah ang’yung la a ghing ung kaa, a ei auk tu ah mäih ah, nang mi khui hei chang gui naw cu Jew chang gui ungka mümcha ghin nak cu nami gah tuk ci.

ROMAN 11:22

Shin ung Khanpughi cu a i hlawk ah chang m’gein ci la, a i hlawk ah nget ngawng ciah mi hmuk ci. Khanpughi naw katnak bik ciah chang gui cu ak nuipai ah m’khom chaa gui ci. Cun ung phi nang mi cu a ning m’gein gui khin vai ah nami om ah a kyak ung, Khanpughi naw ning m’gein gui khenggeng ci; cun ah kä nami om ah a kyak ung nang mi cun phi chu pit ne ning ghawt gui khai.