JOHAN 15:18 - Cho Bible Common Language 2016

¹⁸ M’Dek chang naw ami ning gen gui ung kei na gen ma ci gui ah nami hmat vai nei.

JOHAN 15:18 Referans Kwoze

1 JOHAN 3:13

Cun ah kyasei ka phäi nau gui aw, khomdek chang gui naw ami ning gen gui ung kä nami ng’ä vai nei.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

JOHAN 3:20

Akshe ah om ciah chang phung naw, akshe abi ang dang vai kyi ne, akdei cu kä ng’ya hlük ci.

MAKUH 13:13

Kei ah hmawk ah chang van naw nangmi cu ning gen gui khai, cun ung phi akhnu ah khüt sei düng ciah chang cu hun nak gah khai nei.

LUKA 6:22

“Chang ah Htapa ah hmawk ah chang gui naw, ami ning hnu ng’tuk püi gui ung, ami ning nawng gui ung, changshe ah ami ning pyein gui ung, nami yeikyai vai,

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

MATTHE 5:11

“Kei ah hmawk ah chang gui naw ning shedam na gui ne, käng düng ci awn a hlü hlü ah a ning m’kat law gui ung, nangmi cu yeikyai nak om sä, nangmi cu kei na läk ciah nami kyak ci nei.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

1 JOHAN 3:3

Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

MATTHE 24:9

“Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

NG'THU K'THUUK~ 29:27

Düng ciah chang naw akshe cu thüi nak ci, shek ciah chang naw düng cicu thüi nak ci.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

JOHAN 16:1

Nami yum nak kä nami nawng-en vai ah shin ah ka ning m’thein gui ci nei.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.