JOHAN 15:14 - Cho Bible Common Language 2016

¹⁴ Nangmi cu kei ah thukhän nami läk ung kei ah teihpüi ah nami kiak ci.

JOHAN 15:14 Referans Kwoze

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

1 JOHAN 5:3

Khanpughi m’hni nak cicu ang thu khän läk nak ah kyak ci. Ang thu khän läk cu mikmi ah phäh ah phuih gih ah kä kyak ci.

JAMES 2:23

“Abraham cu Khanpughi yum ci, ayum nak awn ani cu, Khanpughi naw chang düng ah k’bääi ci,” ciah cacim lawk cicu akcang ah kiak ci. Cun ah kyasei Abraham cu Khanpughi ah teihpüi ah khü ci gui.

JOHAN 14:21

“Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

JOHAN 14:15

“Kei nami nam hni ung ka thukhän cu nami läk khai.

LUKA 12:4

“Ka teihpüi gui aw, pumsa bäng ngawn ne a hmün a i phi kä ci hning cicu kä nami kyih vai.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

JOHAN 2:5

Bawipa Jesuh ah nu naw, “A pyein päng ah om vä” ci ne ami shäm gui-am pyen na gui ci.

JOHAN 14:28

Kei tuhbäi ka hteh ung phi nangmi ah om nak ah ka law ba khai’ ka cicu nami ng’ya pyi ci. Kapa cu kei ah hlüngtai pi ci, acun ah kyasei, nangmi naw kei nami nam hni ung, Kapa ah ka hteh ba ung nami yeikyai khai.

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

NG'THU K'THUUK~ 18:24

Am shah ah khawtsheng nak cu tawi aih ci, Cun ung phi teihpüi amshah cu phäi nau ah ta hläkhäm pi ci.

PHYAWN NAK 7:6

Moses la Aaron naw, Bawipa naw am cäi goi ah mäih ah bik ci goi.

RUT 3:6

Cun kawn ah Ruth cu htang m’häi nak ah hteit neta, a cei ah nu ah m’cäi ah mäih ah bik ci.

1 GHANGPUGHANG GUI 4:5

Khawpäng uktu gui: Nathan ah hta Azariah Mang Im uktu: Nathan ah hta taigü Zabud

2 GHANGPUGHANG GUI 18:6

Ani cu Bawipa ung bekhüt ne, angthu kä läk ah kä om ci, Bawipa naw Moses am a pek ah thumkhän avan cu geing na ne k’pang ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

EZEKIEL 12:7

Bawipa naw ka bi vai ah a na m’thein cu kei naw ka bik ci. Cun ah hnüüp ung kei naw khüikha chang ah mäih ah ka htun k’pi ci, a cun ah mühun a hmüp law yah ung kei naw k’paang amkaw kakutawn pyang n e, acun awn la ne ka hteit ci. Chang nü naw ami na hmuh ah ka htun k’pi gui ka k’phleing taih ne ka hteit ci.