JOHAN 15:11 - Cho Bible Common Language 2016

¹¹ Shin ah ng’thu ka pyein cu, kei ah yeikyai nak nangmi ung gawk sei, nangmi ah yeikyai nak a khüm be vai ah hmawk ah kyak ci.

JOHAN 15:11 Referans Kwoze

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

JOHAN 17:13

Tuhbäi kei cu nang ah ka lawk khai nei. Ngami kei ah yeikyai ah mäih ah ami yeikyai nak a be vai ah, m’dek khan ah ka om yah ung shin ah ng’thu ka pyein ah kyak ci.

JOHAN 16:24

Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

1 JOHAN 1:4

Keimi naw yeikyai nak kümbe sei kami gah nak vai ah shin ah ca kami guk law nei.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

2 JOHAN 1:12

Kei naw ka pyein vai akda om pang sei phi, ca awn kä ka gu ba hlük ci nei. Mi van kümbe sei mi yeikyai nak vai ah, nami om nak ah ka mät law ngä sei, ng’hmuh ne mi ng’thu vai ka yum ci nei.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

2 KORIN 1:24

Nangmi naw a i nami yum vai ah ning k’bäi gui ah kä kyak ci, nangmi ah yum nak cu khäng ciah kami hmat ci. Keimi naw nangmi ah yeikyai nak vai ah nangmi awn a täng ah kami bi ah kyak ci.

1 THESSALONIAN 5:16

Ang täi sei yeikyai vä,

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

LUKA 15:9

Acun ah ngui a hmuh ba ah a kyak ung a teihpüi gui la a im pei ah kaa gui cu khü gui ne, maih ciah ngui, ka hmu ba ci nei, kei awn a täng ah yeikyai tu vä,” cik khai nei.

PHILIPPIAN 1:25

Cun ah a mawng cu ka hmat ci kya ne, kei cu nang mi awn a täng ah ka om khai nei. Nami bühmang nak vai la yum nak ung nami yeikyai vai ah hmawk ah kei cu namg mi awn a täng ah ka om khai nei.

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

LUKA 15:5

Cun ah htome a hmuh ba ung, ak phleing ung taih ne, yeikyai ne law ba khai nei.

LUKA 15:23

Ak plan pi bäih ah seipat ngawn vä, ei aw ne mi yeikyai khai nei.

JEREMIAH 32:41

Ngami ah phäh ah akni bäng bi ne yei nak ka lak khai, kei naw shin ah khaw ung angtäi ah ka om sak gui khai.

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

ZEPHANIAH 3:17

Bawipa na Khanpughi naw ning om püi ci nei; A huham naw näng nak ning pek khai. Bawipa cu nang ung yeikyai ne, amhni nak awn ghin nak akthai ning pek khai, Ani cu nang ah khan ah yei ne ng’äi m’cu khai.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

ISAIAH 62:4

“Ami nawng nei” cine a u naw kän ng’khü ba khai. Mi khaw phi “Nawng ah Chu nei” cine a u naw kä khü ba khai. Nang ah na ming thai cu, “Khanpughi naw a zei nak nei” ciah kyak ci. Nami khaw cu, “zeikiai nak awn ng’chula ci” cine khü khai gui. A i ah kyasei ci ung Bawipa naw nangmi cu ning yei na gui ci, ani cu nami khaw ah cei ah mäih ah kyak ci.