JOHAN 14:9 - Cho Bible Common Language 2016

⁹ Bawipa Jesuh naw, “Philip, kho cän güt ung nangmi awn a täng ah ka om ci, Kä na na hmat ci ma? Kei na hmuk ciah chang naw Kapa cu hmuk ci, a i ah kyasei, ‘Mipa nam hnuh gui ä’ na ci ang?

JOHAN 14:9 Referans Kwoze

KOLOSE 1:15

Bawi Khrit cu kä hmuh thei ah Khanpughi ah, hmuh thei vai ah a müi ah kyak ci. Ani cu atüisho avan ah hlüngtai pi ciah, ng’tüi htük ciah Htapa ah kyak ci.

JOHAN 12:45

Kei na hmuk cicu kei na tüi lawk ci phi hmuk ciah kyak ci nei.

JOHAN 14:7

Tuhbäi kei nami na hmat pyi ci, Kapa phi nami hmat lawk khai. Tuhbäi ung tün ne Kapa cu hmat ne nami ng’hmuh püi pyi ci nei” cine pyein ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

JOHAN 10:30

Kapa la kei cu tumat ah kani kyak ci” cik ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

PHILIPPIAN 2:6

Ani cu angtäi sei Khanpughi nupuk nak ci, Cun ung phi Khanpughi ah mäih ah ka kyak khai ciah ling ne kä k’tha nak ci.

JOHAN 14:20

Cun ah hnüüp ung, ‘kei Kapa ung ka om ci, nangmi ung kei ka om ah mäih ah, kei ung nangmi nami om ci’ ka cicu nami hmat khai.

MAKUH 9:19

Bawipa Jesuh naw, “Nangmi cu a i hlawk ah a yum nak kä om ciah chang gui ang? Kei cu nangmi awn a täng ah a i güt ka om vai ang? A i güt nangmi ka ning ngaih peit gui vai ang? cun ah ak hmaw kei ah om nak ah law püi vä” cine kyak na gui sei,

LUKA 12:56

Thuvi ciah chang gui, nangmi cu khomdek la khankho teng ne kho khi kho k’aa nami hmat ci. A i ah kyasei tuhchü ah a khin m’khoi m’cha ne kä nami hmat hning ang?

1 KORIN 15:12

Tuhbäi keimi naw Bawi Khrih sih nak ungka a thawh ba ah mawng thu cu kami pyein ci, a i ah kyasei nangmi ungka amshah naw ‘Sih nak ungka thawh ba nak kä om ci’ cine nami pyein ang?

JEREMIAH 2:23

Na mät naw na mät kä na lelawi sak ciah, Baal kä na khawihnah phung ciah a i hawkcha ah na pyen hlawt ang. Khongnawi ung a i hlawk ah na hmakat cu teng ba ä; na bi gui pyi cu dan ba ä. Nang cu k’cih ciah kalauk ah mäih ah na kyak ci, dawng ne maih ci.

SAM 11:1

Bawipa ung phyawn vai ah ka ng’yii ci. A i hawkcha nang naw, shin ah thu na na pyen nak khai ang, “Kha ah mäih ah khomhtung ah zong ä,

ATÜNNAK 26:9

Abimelek naw Isaak cu khü neta, “Ani cu na chu ah kyak ci maw, a i ah kyasei, ka be na ci ang?” cine ng’shik ci. Isaak naw, “Ka chu ah ka pyen ung chang gui naw ami na ngawn vai ah kyi ne ka pyen nei” cik ci.

JOHAN 8:19

Ngami naw, “Napa cu a hawi ang?” cine ng’shik ci gui. Bawipa Jesuh naw, “Nangmi naw kei phi kä nami na hmat ci, Kapa phi kä nami hmat ci. Kei nami na hmat vai sü ung Kapa phi nami hmat khai sü te” cine pyen na gui ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.