JOHAN 14:31 - Cho Bible Common Language 2016

³¹ Cun ung phi kei naw Kapa kam hni cu m’dek chang avan naw a hmat vai nei, Kei naw Kapa cu m’hni ne a nam cäi phung avan ka bik ci, ‘Law vä a hei ah mi hteit kaw’ cik ci.

JOHAN 14:31 Referans Kwoze

JOHAN 10:18

A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.

PHILIPPIAN 2:8

Ani cu am lung neim sak ne kutlam tung ung asih nak ung khüt sei, Khanpughi ah ng’thu cu läk ci.

JOHAN 12:49

A i ah kyasei ci ung, kei naw kamät ah ngaih ah thu ka pyein ciah kä kyak ci, na tüi lawk ciah Kapa ah huham awn ng’thu ka pyein ah kyak ci.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

LUKA 12:50

Kei naw tuihnim nak ka lak vai om ci, cun ah bi cu kä ka pyi pha ah chuih kei ah m’lung cu yaica ci.

JOHAN 15:9

Kapa naw kei a nam hni ah mäih ah kei naw ka ning m’hni gui ci. Kei ah kam hni ah om vä.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

JOHAN 18:11

Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.

JOHAN 12:27

“Tuhbäi kei cu kamlung thüi ci nei, a i cine ka taigü khai aw? Kapa, tuhbäi kei ah khan ah gawk lawk khai ah akhin ungka na phiawn sak kä! ka cik khai ang?

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

MATTHE 26:46

Tho law vä mi hteit kaw, ga ah kut ung kei na ap khai cu gawk law pyi ci nei,” cine kyak na gui ci.

ISAIAH 50:5

Bawipa naw hmuhmat nak na pek ci, cun ah kyasei kei naw kä ka hnu ng’tuk püi ci, kä ka ng’hlah tak ci.

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.