JOHAN 14:28 - Cho Bible Common Language 2016

²⁸ Kei tuhbäi ka hteh ung phi nangmi ah om nak ah ka law ba khai’ ka cicu nami ng’ya pyi ci. Kapa cu kei ah hlüngtai pi ci, acun ah kyasei, nangmi naw kei nami nam hni ung, Kapa ah ka hteh ba ung nami yeikyai khai.

JOHAN 14:28 Referans Kwoze

JOHAN 14:18

“Kei ka hteh law ung nami mät kä ka ning nawng gui khai,

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

JOHAN 13:16

Kei naw akcang ka pyein cu, “Changshäm cu khuimah ah mä kä tai pi man ci.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

1 KORIN 11:3

Kei naw ka ning hmat sak gui hlü cu, pami avan cu Bawi Khrih naw uk ci, ak chu cu a cei naw uk ci, Bawi Khrih cu Khanpughi naw uk ci, ciah kyak ci.

JOHAN 16:7

Cun ung phi kei akcang ka pyein cu, kei ka hteh law ung nangmi ah hmawk ah ni pi khai. Kei kä ka hteh ung ning m’htei gui khai cu kä lawk khai. Kei ka hteh ung vah cun ah Mumcha Theing cu ka ning tüih law gui khai.

JOHAN 14:12

Kei naw akcang ka pyein cu, Kei na yum ciah chang naw kei ah bi gui cu bi hlawt khai.

JOHAN 10:38

Cun ung vah Kapa cu kei ung om sei, kei cu Kapa ung ka om cu, na mi hmuhmat lawk khai” cik ci.

JOHAN 5:18

Kyin hnüüp ng’thukhän kaan ne bi bik netah mä, Khanpughi am kapa a ci la amät Khanpughi awn täng ciah a pyein ah hmawk ah Jew chang ng’vai gui naw, Bawipa Jesuh cu ngawn vai ah ng’ge law pi ci gui.

MATTHE 12:18

“Shin cu kei naw ka ghü ah ka changshäm, Kam hni, ka yeikyai nak nei. Kei ah ka mümcha cu ani ah khan ah ka gawk sak khai, Ani naw kei ah k’bäi ah m’khoichaa nak cu kho nüng ung ng’shäu khai nei.

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

SAM 68:18

Ani cu ak hlüng nak pi ah hteit ne, akda pha ne hteh püi ci; Ani ng’küknet püi ci gui naw m’cümhnah pek ci gui. Bawipa Khanpughi cu a cu ah om khai nei.

SAM 68:9

Nang naw kho angtäi aa sak ne, na ng’dü kho phi na kyäp sak ci;

JOHAN 7:33

Bawipa Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei.