JOHAN 14:27 - Cho Bible Common Language 2016

²⁷ “Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

JOHAN 14:27 Referans Kwoze

PHILIPPIAN 4:7

Cun ah nami bi ung, hnicim chang naw ngaitüh ne kä k’phaa ah Khanpughi ah dimdeeih nak naw, Bawi Khrit Jesuh ung nami kawng ät nak awn, nami m’lung la nami ngaih avan cu ning m’htei gui khai nei.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

2 THESSALONIAN 3:16

Dimdeeih nak ah a phung ah kyak ciah Bawipa amät naw, akhin avan la a mawng ama avan ung dimdeeih nak ning pe gui sä. Bawipa naw nangmi nami van cu angtäi ah ning om püi gui sä.

KOLOSE 3:15

Bawi Khrit ah ning peit gui ah ding gei nak cu, nami ng’ki ng’phian nak ung a ning m’shumhlawi nak gui ah kyak ci. Cun ah ding gei nak cu kawng ät ne pumsa tumat ah nami kyak vai ah Khanpughi naw a ning khü nak gui ah kyak ci. Cun ah kyasei nami m’hlüngtai lä vai nei.

2 TIMOTHI 1:7

Khanpughi ah nam shumphyuk gui ah Mumcha naw mikmi cu kä na ng’yawm sak gui ne; cun ah Mumcha naw hlüngtai nak, m’hni nak la htingling nak cu na pe gui ci.

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

KHEI NAK 6:26

Bawipa naw hmai kyang ne ning teng gui ne, dimdeeih nak ning pe gui sä.

ROMAN 8:6

Hnicim chang ah ng’yak hlü bäng ngaih-tüh ciah chang cu sih nak ung gawk ci, Mumcha ah ng’yak hlü ngaih-tüh ciah chang cu ghin nak la dimdeeih nak gah ci.

JEREMIAH 1:8

Nang naw kä na kyih en gui vai, kei naw nang ning om püi ne ka ning shung vong khai, kei Bawipa naw ka pyen ci.”

KALATIAN 1:3

Mi Pa Khanpughi la Bawipa Jeyuh Khrit ah m’gein nak la dim deeih nak cu na mi khan ah om sä.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

JOHAN 14:1

Bawipa Jesuh naw, “Nangmi kä ng’ä ai vä, Khanpughi yum vä, kei phi na yum vä.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

SAM 112:7

Ani cu thushe ang yak ung phi kä kyih ci; a yum nak cu khüighat ci, Bawipa ung ng’ap ciah kyak ci.

ROMAN 5:10

Mikmi cu Khanpughi ah gaa ah mi kya te ci, cun ung phi A Htapa a sih nak awn A teihpüi ah na pyang gui ci. Tuk bäi mikmi cu Khanpughi ah teihpüi ah mi kya pyi ci, cun ah kya sei, ghing ciah Bawi Khrit ung hun nak mi gah vai cu ngaih gep ah kyak ci.

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

SAM 56:11

Ani ka ngaih u ci, kei cu kä ka kyik khai. Hniciim chang naw kei cu, a i ah na ci hlawt khai aw?

SAM 91:5

Nang naw khomü ah a i kä na kyih vai, kho hnüüp ah ning tuk khai phi kä na kyih vai,

KOLOSE 1:20

Ahtapa awn khophlüt avan cu amät ung gawk law ba sak yawp khai ah Khanpughi naw k’bäi ci. Khanpughi naw A Htapa kutlamtung ung ap ne asih nak awn dimdeeih nak bi ne khomdek la khankho ung om ci avan cu amät ah ng’khäm ba sak ci.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

ISAIAH 54:13

“Na chang gui cu kei ka mät naw ka m’thei thang gui khai, bühmang nak la dimdeeih nak ka pe gui khai.

SAM 85:10

M’hni nak la bekhüt nak cu ng’chum ni ne, düng nak la dimdeeih nak cu ng’pawng khai goi nei.

1 KORIN 1:3

Mipa Khanpughi la Bawipa Jesuh Khrit ah m’geinsei nak la dimdeeih nak cu nami van ah khan ah om sä.

SAM 56:3

O hlüngtai ci Bawipa, kei ka kyih yah ung nang ka ning ngaih u ci nei.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

2 THESSALONIAN 1:2

Mi Pa Khanpughi la Bawipa Jesuh Khrit naw m’gein nak la dimdeeih nak cu ning pe gui sä.

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

LAMKTU 18:9

Kho mü ät ung Paul ah muimang ung Bawipa naw a pyein cu, “Kei naw nang cu ka ning om püi ci kyasei, kä na kyih vai, na pyein gäk gäk vai, hnu ah kä na ng’hlah en ba vai.

MATTHE 10:26

‘Cun ah kyasei chang kä nami kyih vai, küp gui phung avan ng’hmawng yawp khai, m’yih gui phung avan ng’hmat yawp khai.

ISAIAH 55:12

“Nangmi naw Babilon cu yeikyai ne nami hteh tak khai; Nangmi dimdeeih nak awn mang gaw ah k’pung ah nami lut lawk khai nei. Khomhtung gui la khogui gui naw m’lau ne ng’äi m’cu khai gui. Sing ghing gui cu yei ne m’lau khai gui nei.

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

HEBRU 7:2

Abraham naw agah avan ah bum ghaa bum ät cu pek ci. (Melchizedek ah aming cu ‘Düng nak ah Ghangpughang,’ ciah kyak ci. A i ah kia sei ci ung ani cu Salem ghangpughang ah kyak ci. Cun kawn ah “Dimdeeih nak ah ghanpughang ngah phi ming ci.”)

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

EZEKIEL 2:6

“Cun ung phi nang, hnicim Chang, nang naw ami mät phi, ami ng’thu chim phi kä na kyit gui vai. Ngami naw ning züisha ne ning päipih khat gui; Cun cu khawm ai ah ng’lung ah om ah mäih ah kyak khai. Cun ung phi cun ah küknet ci gui la ami pyen phung cu kä na kyih en gui vai.

SAM 28:3

Changshe gui, akshe bik ci gui — ang awi ah thu ne, ami m’lung kyong ah m’thüi ci gui awn atäng ah kä na m’kyuk-en ä.

DANIEL 4:1

Ghangpughang Nebukhadnezzar naw khomdek khan ung om ciah changpakhui gui, pahta gui la pa ng’tän gui avan am shin ah ng’thu cu m’khäh gui ci. “Ning yavaih gui nei!

NG'THU K'THUUK~ 3:25

Nangmi naw cun ah mäih leigai cu kä nami kyihkyawk vai. Cun cu pui khaw khi ah mäih ah lawk ciah akshe kha ah kyak ci.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

KALATIAN 6:16

Shin ah mawng gui läk ne ghin püi ciah chang gui la Khanpughi ah chang gui ah khan ah dimdeeih nak la m’gein nak cu om sä!

LUKA 10:5

A u ah im ung phi nami luh ah a kyak ung, “Shin ah kyong khui ung ding gei nak om sä” cine nami taigü vai.

ZEKHARIAH 6:13

Ani cu Taigüim co ne, ghangpughang ah m’taam nak gah ne, ak chang gui cu uk gui khai. Taigü cu amang kiang pei ah ng’düi khai, ngani cu dimdeeih kyäp nep nak awn atäng ah bik khai goi.’

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

SAM 72:7

Düng ciah ah chang cu a ghin yah ung bämang sä, cha a vai ah chuih bühmang sä.

KOLOSE 1:2

Bawi Khrit ung kawng ät nak awn bekhüt ciah phäi nau ah kyak ciah Kolose gawnu ah Khanpughi ah chang gui-am, ca ami guk law nei. Mipa Khanpughi naw am gein nak la dimdeeih nak cu ning m’shum phyuk gui sä.

LUKA 12:4

“Ka teihpüi gui aw, pumsa bäng ngawn ne a hmün a i phi kä ci hning cicu kä nami kyih vai.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

DANIEL 6:25

Cun kawn ghangpughang Darius naw ca gu ne, changpakhui gui, pahta gui, pa ng’tän gui avan am pe gui ci. “Ning yavaih gui nei!

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

SAM 11:1

Bawipa ung phyawn vai ah ka ng’yii ci. A i hawkcha nang naw, shin ah thu na na pyen nak khai ang, “Kha ah mäih ah khomhtung ah zong ä,

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

NG’ÄI KYAH 3:17

Kei naw gaigawng nak, dimdeeih nak, yeikyai nak gui cu ka m’hnih yawp ci.

SAM 72:2

Cun ah kyasei ani naw na chang gui cu ni nak awn uk gui ne, dukhaih ci gui cu düng ci gui cu düng nak awn m’htei gui khai.

2 SHONTÄP NAK 20:30

Cun ah kyasei Jehoshaphat naw dimdeeih sei uk ci, a mawng päng ung m’lung üp nak om khai ah Khanpughi naw pe gui ci.