JOHAN 14:26 - Cho Bible Common Language 2016

²⁶ Kapa naw kei ah ming awn a tüih law ah ning m’htei gui ciah Mumcha Theing naw a päng avan ning m’thei thang gui ne, kei naw ka ning m’thei thang gui phi avan ning shüm ba sak gui khai.

JOHAN 14:26 Referans Kwoze

JOHAN 15:26

Khanpughi ah mawng cacim awn dang sak ciah, ning m’htei gui ciah Mumcha Theing cu lawk khai, ani cu Kapa ungka lawk ciah kyak ci, kei naw Kapa ungka ani cu ka tüi lawk khai, ani naw kei ah mawng thu pyein khai.

JOHAN 14:16

Kei naw Kapa ah kang yoih ung, Kapa cu nangmi awn a täng ah om ne nangmi ning m’htei gui khai cu tüi law hnga khai. Ani cu Khanpughi ah a mawng cacim awn m’dang ciah Mumcha Theing ah kya ci.

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

JOHAN 16:7

Cun ung phi kei akcang ka pyein cu, kei ka hteh law ung nangmi ah hmawk ah ni pi khai. Kei kä ka hteh ung ning m’htei gui khai cu kä lawk khai. Kei ka hteh ung vah cun ah Mumcha Theing cu ka ning tüih law gui khai.

1 JOHAN 2:20

Cun ung phi Bawi Khrit naw nangmi ah khan ah Mumcha Theing cu ning m’kyum gui pyi ci kyasei, nangmi naw thu thuuk cu nami hmat pyi ci nei.

1 KORIN 6:19

Nami pumsa cu Mumcha Theing ah pum im ah kyak ciah kä nami hmat ci maa! Cun ah nangmi ung om ciah Mumcha Theing cu Khanpughi ah ning peit gui ah kyak ci. Nami mät naw nami mät kä nami khäm ci, Khanpughi naw vah khäm ci.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

LAMKTU 2:4

Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

JOHAN 2:22

Cun ah kyasei angdüihpüi gui naw, Bawipa Jesuh sih nak ungka a thawh ba kawn ah, Bawipa Jesuh ah pyein gui ah thu m’kha la cacim cu shüm ba u netah yum law pi ci gui.

ISAIAH 54:13

“Na chang gui cu kei ka mät naw ka m’thei thang gui khai, bühmang nak la dimdeeih nak ka pe gui khai.

LAMKTU 13:2

Cun ah chang gui cu Khanpughi ah taigü ne, ei hlawi ne ami om yah ung Mumcha Theing naw ngami am, “Kei ah ka bi bik khai goi ah Soul la Barnabas cu khän ne ghü goi vä” cine kyak na gui ci.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

1 JOHAN 5:7

Saksi thum om ci;

TITUS 3:5

mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.

LUKA 24:49

Kapa ah shaitaak ah mäih ah nami khan ah ka gawk law sak khai nei. Cun ung phi nangmi cu, khankho ah kaa hlüngtai nak kä nami gah phaa ah chuih Jerusalem ah om ne nami gin vai nei” ci ne m’cäi gui ci.

JUDE 1:20

Cun ung phi ka teihpüi gui, nami mät ah theingcim pi k’bäih ciah yum nak ung cokyang khänghtek ne nami om vai nei. Mumcha Theing ah hlüngtai nak ah kyong ung nami k’taigü vai nei,

HEBRU 9:8

Shin ah a mawng ung Mumcha Theing naw ang dang ah am theithang nak cu, ak pung ah phung a om ah chuih Hmun Theing Säih ah hteh nak vai ah lam kä ng’hmawng ci, ciah kyak ci.

HEBRU 3:7

Cun ah kyasei Mumcha Theing naw a pyein cu, “Khanpughi ah k’aw Nangmi naw tuhngawi nami ng’yak ah a kyak ung kä nami ling keng vai,

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

1 KORIN 12:3

A u chang phi Khanpughi ah Mumcha ah lam shüm nak kä gah ci naw Bawipa Jesuh cu kä k’she na hning khai; a chang phi Mumcha Theing naw lam kä am shüm naw ‘Jesuh cu Bawi Nei’ cine kä ng’kyaa hlawt khai, cicu ka ning hmat sak gui hlük ci.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

LUKA 11:13

Nangmi cu changshe ah kya pang u ne phi nami hta gui-am akni nami peit gui ung, khankho ah om ciah nami Pa Khanpughi naw ng’yoi ciah chang gui-am Mumcha Theing cu akbä ah pek khai nei” cik ci.

SAM 51:11

Na ma ungka kä na k’tääm men ä; Na Mumcha Theing kä na lak en pe ba ä.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

LUKA 1:41

Eliyabeth naw Mari ah yavaih nak ang yak sang ung a puk kyong ah ak hmawhta cu hnün ci. Eliyabeth cu Mumcha Theing awn be netah,

MATTHE 3:11

Nangmi nami ng’yu ba ah hmawk ah tui awn tuihnim nak ka ning pe gui ci, Kei ah ka hnu ah lawk ciah Bawipa naw Mumcha Theing la mei awn hnim nak ning pe gui khai. Ani cu kei ah mä hlüngtai pi ci, Kei cu ani ah phahnak phi ka kawt khai ah kä ka khin ci.

HEBRU 2:4

Acun ah khin ung Khanpughi a mät naw cäi aih vai gui, cäicat vai gui am dang nak awn la a mät ah ng’yak hlü ah Mumcha Theing am shum phyuk nak awn saksi cu dang sak ci.

2 TIMOTHI 1:14

Nang am ning ap ah ak nikiom gui cu, mikmi ung om ciah Mumcha Theing ah hlüngtai nak awn na kutshum vai nei.

EPHESIAN 4:30

Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.

ROMAN 14:17

Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

LAMKTU 11:16

Cun kawn ung Bawipa naw, “Johan naw tui awn hnim nak pek ci, cun ung phi nang mi cu Mumcha Theing awn hnim nak na mi gah khai” a ci cu ka shüm ba ci.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

JOHAN 20:22

Cun kawn ah Bawipa Jesuh naw ami khan ah phyuh theh netah, “Mumcha Theing cu dou vä,

JOHAN 6:45

Profet gui ah ca guk ung, “Chang avan cu Khanpughi naw m’theithang gui khai, Kapa ah ng’thu ng’ya ne akni ah ng’thei ci gui phung cu kei ah law ci gui.

MAKUH 13:11

Nangmi cu ning pha gui u ne yung ah ami ning ap gui ah a kiak ung, a i cha ng’thu vai ang, cine ng’dawt ne kä nami ng’ä vai. A cun ung nami m’lung kyong ah dang lawk cicu nami pyein vai. Cun ah ng’thu gui cu nangmi ah ng’thu ah kä kya ne, Mumcha Theing ah ng’thu ah kyak khai.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

HEBRU 10:15

Cun kawn ah Mumcha Theing naw phi saksi ana peit nak gui ung ak htükbäih ah,

JOHAN 12:16

Ang düihpüi gui naw akhtük ung shin ah cacim cu kä hmat ci gui. Bawipa Jesuh ah bämang nak ang dang law kawn ah shin ah cacim naw Bawipa ah mawng a pyein la, Bawipa ah hmawk ah ngami ah bilawh gui cu shüm hmat lawk ci gui.

MAKUH 12:36

Mumcha Theing naw David ang thu m’sak cu; ‘Khanpughi naw ka Bawipa-am, Nang ah na ga gui cu, na kho pha kaa ah, Kä ka gawk sak pha ah chuih, Kei ah kak pat lam ah na ngoh vai nei’ cine kyak nak ci” ciah kyak ci.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

EPHESIAN 1:13

Nangmi changpakhui hei gui cun phi, hun nak ah mawng, Thu Ni ah kyak ciah, düng ciah Thu cu ngai ng’ya tu u ne, Khanpughi ah chang ah nami kya lawk ci. Nangmi naw Bawi Khrit nami yum lawk ci, cun ah kyasei, Khanpughi naw a shaitaak ah mäih ah Mumcha Theing cu ning m’shumphyuk gui ne, amät ah chang ah ning tüi m’hnüt gui ci.

2 KORIN 6:6

Theingcim nak, htangkhaa nak, hnimgei nak, ng’awi ng’gi nak gui awn phi bäi, Mumcha Theing ah m’gein nak la kami m’hni nak ak cang awn phi bäi;

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

LAMKTU 15:8

Chang gui ah m’lung ngaih, hmat yawp ciah Khanpughi naw Mumcha Theing cu mikmi am ana peit gui ah mäih ah changpakhui hei gui am phi a peit nak tu gui awn, ngah mi m’hni ne ang yaak nak hlü gui cu m’dang ci nei.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

LAMKTU 1:4

Ami ng’bum law yah ung Bawipa Jesuh naw, “Jerusalem ung ka kä na mi hteh cang vai, ka ning m’thein gui man ah Pa Khanpughi ah Shaitak cu na mi gin vai.

LAMKTU 1:2

Khankho ah akai ba ung khüt ciah kya ci. Cun ah kä ah kai pha ung a ghü gui ah ang düihpüi gui cu Mumcha Theing awn lam shüm gui shüt ci.

JOHAN 7:39

Cun yah ung Bawipa Jesuh cu a hlüngtai nak kä dang phak ciah kya sei, yum ciah chang gui-am Mumcha theing phi kä ap gui hning phak ciah kyak ci. Cun ah kyasei yum ci gui ah gha law vai ah Mumcha Theing cu pyein ne ang ng’shäu ah kyak ci.

LUKA 3:22

Mumcha Theing cu mümbawk ah mäih ah yong law ne, ak khan ah ngo law khätah, “Nang cu ka ning m’hni aih ah ka ning Htapa nei” ciah khankho ah ng’thu k’aw cu thang lawk ci.

LUKA 1:67

Johan ah pa Zechariah naw Mumcha Theing awn be netah, Khanpughi ah ng’thu a pyein cu:

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

LUKA 1:15

Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

LAMKTU 28:25

Paul naw shin ah a mawng tumat cu pyein khä tah, ami mät gui ng’cuh ng’can u ne, ng’düi law ne hteit ba ci gui. Paul naw, “Mumcha Theing naw, prophet Isaiah ung, nami pupa gui am, am dang cu ni bä bä ci nei!

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

LAMKTU 15:28

Khongyo am vawihpeh ah ei cu kä ei vai, si phi kä ei vai.

LAMKTU 13:4

Barnabas la Soul cu Mumcha Theing ah lam shüm ah mäih ah Seleucia gawnu ah gawk ni ne, cun ungka naw Saipras ah htinpaw awn hteit ci goi.

LAMKTU 7:55

Cun ung phi Stephen cu Mumcha Theing awn be neh khankho cu han dan netah, Khanpughi ah bä khäk nak lah Khanpughi ah k’pat lam ung ng’düi ciah Bawipa Jesuh cu hmuk ci.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

MATTHE 1:18

Jesuh Khrit ang tüi law ah mawng cu shin ah kyak ci; Mari cu Josef ung ami beit kawn ah, kä ani ni om ng’chungla pha ung, Mumcha Theing awn käü mah lawk ci.

JOHAN 1:33

Ayan ung ani kä ka hmat man ci, cun ung phi tuihnim nak ka pek khai ah na tüi lawk ciah Khanpughi naw,” Khankho ah kaa Mumcha Theing kyum law ne, alu khan ah ngo law sei, na hmuh ah chang cu Mumcha Theing awn hnim nak pek khai ah chang nei,” cine ana m’thein pyi ah kya ci.

JOHAN 14:25

“Nangmi awn a täng ah ka om yah ung shin ah ka ning m’thein gui ah kyak ci.