JOHAN 14:21 - Cho Bible Common Language 2016

²¹ “Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

JOHAN 14:21 Referans Kwoze

JOHAN 14:15

“Kei nami nam hni ung ka thukhän cu nami läk khai.

1 JOHAN 5:3

Khanpughi m’hni nak cicu ang thu khän läk nak ah kyak ci. Ang thu khän läk cu mikmi ah phäh ah phuih gih ah kä kyak ci.

1 JOHAN 2:5

Cun ung phi ani ah thu läk ciah chang cu, Khanpughi am hni nak kümbe sak ci, Mikmi Khanpughi ung mi kawngät cu, acun naw ak cang ah dang sak ci.

2 JOHAN 1:6

Kei naw ka pyein ah m’hni nak ah mawng cu, mikmi naw Khanpughi ah thukhän läk ne mi ghin nak vai ah kyak ci nei. Nangmi nami van naw ak htük ge ung nami ng’yak ah thukhän cu, nangmi nami van cu m’hni nak ah kyong ung nami om vai nei, ciah kyak ci.

THULÄÄN NAK 11:13

“Cun ah kyasei tuhngawi kei naw ka ning pek gui ah thumkhän gui cu nami läk vai, Bawipa nami Khanpughi cu m’hni ne nami lung kyong avan awn abii nami bi vai.

JOHAN 16:27

A i ah kyasei ci ung Kapa amät naw nangmi ning m’hni gui ci. Nangmi naw kei nam hni ne, Khanpughi ungka ka lawk ciah nami yum ah hmawk ah, Kapa naw ning m’hni gui ci.

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

JOHAN 15:14

Nangmi cu kei ah thukhän nami läk ung kei ah teihpüi ah nami kiak ci.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

SAM 35:27

Kei na hmuh hlük ciah chang gui naw kei cu nak bün u ne, Ng’leng leng ne yei ne m’lau ne, “Bawipa cu hlüng tai aih ci nei, Ak changshäm gui ah näng ah hmawk ah ani cu yei kyai ci nei” cik ci gui.

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

ZEPHANIAH 3:17

Bawipa na Khanpughi naw ning om püi ci nei; A huham naw näng nak ning pek khai. Bawipa cu nang ung yeikyai ne, amhni nak awn ghin nak akthai ning pek khai, Ani cu nang ah khan ah yei ne ng’äi m’cu khai.

2 THESSALONIAN 2:16

Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,

JEREMIAH 31:31

Bawipa naw pyen ci, “Israel chang gui la Judah chang gui awn ng’thukhän thai ka bi nak vai ah akhin cu gawk lawk ci nei.

JOHAN 16:14

Ani naw kei ungka a gah ah ng’thu cu ning m’thein gui khai kia sei, kei ah bämang nak cu dang lawk khai.

JOHAN 14:18

“Kei ka hteh law ung nami mät kä ka ning nawng gui khai,

2 TIMOTHI 4:22

Bawipa cu na mümcha awn a täng ah om sä, Khanpughi ah chimgein nak cu nami van ah khan ah om sä.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

LAMKTU 22:18

Cun ah ka mik hmuh nak ung Bawipa cu dang law netah, “Ang ghit ah kä shou shü ne Jerusalem ungka a hei ah na hteh vai, shin ung om ciah chang gui naw, kei ah mawng na saksi cu kä dou khai gui nei” cine pyein ci.

2 KORIN 12:8

Cun gui ana liim pet vai ah Bawipa ah thum vei kak taigü ci nei.

PHYAWN NAK 33:18

Cun kawn ah Moses naw ak thäh ba cu, “Na bä ni, ng’shü ciah na na om püi gui ah nak khang cu, na hmuh sak ä” cik ci.

THULÄÄN NAK 7:13

Ani naw ning m’hni gui ne, ning phyuh-theh gui khai. Cun ah kyasei nangmi cu nami da lawk khai. Nami htanau phi da khai. Ani naw nami lo lai gui cu hriham pek khai. Cun ah kyasei nangmi ung htang ni, sapyit ni, oliv situi ni om khai. Ani naw seipat gui la htome gui akda ning pe gui ne hriham ning pe gui khai. Ani naw a ning pek gui vai ah nami pupa gui am a shaitak ah shin ah hriham avan cu ning pe gui khai.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

2 GHANGPUGHANG GUI 18:6

Ani cu Bawipa ung bekhüt ne, angthu kä läk ah kä om ci, Bawipa naw Moses am a pek ah thumkhän avan cu geing na ne k’pang ci.