JOHAN 14:20 - Cho Bible Common Language 2016

²⁰ Cun ah hnüüp ung, ‘kei Kapa ung ka om ci, nangmi ung kei ka om ah mäih ah, kei ung nangmi nami om ci’ ka cicu nami hmat khai.

JOHAN 14:20 Referans Kwoze

JOHAN 17:26

Nang ah na peit ah m’hni nak cu ngami ung a om vai la kei cu ngami ah m’lung kyong ung ka om vai ah, nang ah na mawng cu ngami-am ka hmat sak gui pyi ci, a ngawi ah phi ka hmat sak ba gui lä khai nei” cik ci.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

1 JOHAN 4:12

Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

JOHAN 14:10

Kei kapa ung ka om ci, Kapa kei ung om ci ‘Ka cicu kä na yum ci ma? Nangmi ah ma ah kei ah pyein gui cu ka mät ah ng’thu ah kä kyak ci, kei ah bi gui cu kei ung om ciah Kapa ah bi gui ah kyak ci.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

JOHAN 10:38

Cun ung vah Kapa cu kei ung om sei, kei cu Kapa ung ka om cu, na mi hmuhmat lawk khai” cik ci.

2 KORIN 13:5

Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

JOHAN 16:26

Cun ah a khin a gawk law ung, kei ah ming awn nami ng’yoih ba ung phi, nangmi ah hmawk ah Kapa ah ka ning yoih pe gui khai, ci ne kä ka pyein ba khai.

KOLOSE 2:9

Khanpughi ah ang yung a mawng akümbe nak cu, Bawi Khrit ung om ne dang ci nei.

KOLOSE 1:19

Cun cu amät Khanpughi ah m’hnütbäi ah kyasei, amät Khanpughi ah kümbe ciah a müi cu A Htapa ung om ci.

JOHAN 6:56

Ka sa ei ne ka si awk cicu kei ung om ci, kei phi ani ung ka om ci.

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

JOHAN 17:11

Kei cu tuhbäi nang ah ka lawk khai kyasei, m’dek khan ah kä ka om ba khai, cun ung phi ngami om ba khai gui. Theing cim ciah Kapa! Kei-am na na peit ah ming, huham mah ciah nang ming awn phiawn sak gui ä. Cun ung vah kei la nang tumat ah ni kyak ah mäih ah ngami phi tumat ah kyak khai gui.

JOHAN 16:23

“Cun ah hnüüp ung nangmi naw kei cu a i phi kä nami na ng’shi ba khai. Kei naw akcang ka pyein cu, ‘Kei ah ming awn nami ng’yoih phung cu Kapa naw ning pe gui khai.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

JOHAN 17:7

Kei ung om ci phung cu nang ah na peit, nang ungka lawk ciah hmat pyi ci gui.

2 KORIN 12:2

Yanä khokum gha-lei-phli yah ung khritha tumat cu, ak hlüng pi ah khankhaw ah a yon püi cu kei naw ka hmat ci (Cun cu akcang ah a kyak la muimang ah a kyak ah kei naw kä ka hmat ci, Khanpughi bäng naw vah hmat ci.)

2 KORIN 5:19

Keimi ah ng’thu pyein cu, Khanpughi naw hnicim chang avan, Bawi Khrih awn a teihpüi ah pyan ci ciah mawng ah kyak ci. Khanpughi naw chang gui ah katnak cu kä m’hnüt pe gui ci, chang gui a teihpüi ah a kyak sak nak gui ah mawng, thu cu na pe gui ci.

ROMAN 16:7

Andronikas la Juniasr cun phi ka yavaih na goi ci nei. Ngah ni cu kei awn a täng ah thawng kyum ci goi ah Jew chang goi ah kyak ci: ngah ni cu ang düihpüi gui ah ng’lung ah chang khli naw hmat goi sei, kei ah kä yum tu pha ung Khritha ah kya pyi ci goi ah kyak ci.

JOHAN 14:11

Kei kapa ung ka om ci, Kapa kei ung om ci, ka cicu yum vä. Kä nami yum ung ka bi gui cu teng netah yum vä.