Biblia Todo Logo
Bib sou entènèt

- Piblisite -




JOHAN 14:19 - Cho Bible Common Language 2016

19 Nangmi ah om nak ah kei ka law ba khai. Ashäng shäng ung m’dek chang gui naw kei kä na hmu law ba khai gui, cun ung phi nangmi naw nami na hmuk khai; a i ah kyasei ci ung, Kei ka ghing ci kyasei nangmi phi nami ghing khai.

Gade chapit la Kopi




JOHAN 14:19
20 Referans Kwoze  

“Kä shou pha sei kä nami na hmu law ba khai, cun kawn ah kä shou pha sei nami na hmu law ba khai” cine pyein ci.


Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.


Bawipa Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei.


Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai;


Cacim ung, “Ak htük ah chang Adam cu, a hnun ghing ah a tüi ah kyak ci, ak hnu bäih ah Adam cu Mumcha ghin sak ciah kyak ci.


Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.


Cun ah kya sei ngami cu a u naw kä m’kat gui hlawt ci. Sih nak bäng ah kä kyak ciah sih nak ungka tho ba ciah Jesuh Khrit naw Khanpughi ah ak pat lam ah ngoh netah, mikmi ah hmawk ah ng’hui ng’paa ne om ci.


Mikmi cu Khanpughi ah gaa ah mi kya te ci, cun ung phi A Htapa a sih nak awn A teihpüi ah na pyang gui ci. Tuk bäi mikmi cu Khanpughi ah teihpüi ah mi kya pyi ci, cun ah kya sei, ghing ciah Bawi Khrit ung hun nak mi gah vai cu ngaih gep ah kyak ci.


Cun ung phi akcang cu Bawi Khrih cu sih nak ungka tho ba pyi ci, cun cu sih nak ung ip ciah chang gui ami thawh ba vai ah mawng ang kyän nak ah kyak ci.


Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.


Ka hta gui aw, kei cu nangmi awn a täng ah ashäng hta vah ka om ba khai. Nangmi naw nami na shui khai, kei ka hteh nak ah nangmi kä nami hteit tu hlawt khai; cine, Jew chang ng’vai gui ka pyein nak gui ah mäih ah tuhbäi nangmi ka ning pyein na gui ci.


Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.


Bawipa Jesuh naw, “Kei ka hteit ba khai, nangmi naw nami na shui khai, cun ung phi nangmi nami katnak awn nami sik khai, kei ah hteh nak ah nangmi kä nami hteit tu hlawt khai,” cine kyak na gui ci.


Kapa Khanpughi naw A Htapa hmu ne yum ciah chang phung cu, angtäi ghin nak a gah vai ah ng’ya hlük ci. Kei naw phi, ngami cu, akhnu hnüüp ung sihnak ung kaa, ka thawh ba sak gui khai” ci ne m’thein gui ci.


Chang nüng naw Bawipa cu kä hmuk ci, Khanpughi naw saksi ah ana ghü gui ah keimi naw vah kami hmuk ci. Keimi cu Bawipa sih nak ungka a thawh ba kawn ah a täng ah kami ei auk ci.


Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.


Swiv nou:

Piblisite


Piblisite