JOHAN 14:18 - Cho Bible Common Language 2016

¹⁸ “Kei ka hteh law ung nami mät kä ka ning nawng gui khai,

JOHAN 14:18 Referans Kwoze

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

SAM 23:4

Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

MATTHE 18:20

A i ah kyasei ci ung chang hnih thum hta phi kei ah ming awn ami bum ah a kyak ung ngami awn a täng ah kei cu ka om ci,” ci ne m’cäi gui ci.

JOHAN 14:16

Kei naw Kapa ah kang yoih ung, Kapa cu nangmi awn a täng ah om ne nangmi ning m’htei gui khai cu tüi law hnga khai. Ani cu Khanpughi ah a mawng cacim awn m’dang ciah Mumcha Theing ah kya ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

HEBRU 2:18

Tuhbäi ani naw tüihtok nak gah ciah chang gui cu m’htei gui hning ci, a i ah kyasei ci ung, ani amät cu tüihtok nak la geinvai nak gah pyi ciah kyak ci.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

SAM 101:2

Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,

2 THESSALONIAN 2:16

Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

NG’ÄI KYAH 5:3

Kami pa gui cu ga naw ngawn gui ci nei, tuhbäi kami nu gui cu hmeinu ah kyak ci gui nei.

JOHAN 16:16

“Kä shou pha sei kä nami na hmu law ba khai, cun kawn ah kä shou pha sei nami na hmu law ba khai” cine pyein ci.