JOHAN 14:13 - Cho Bible Common Language 2016

¹³ Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

JOHAN 14:13 Referans Kwoze

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

MAKUH 11:24

Cun ah kyasei kei naw ka ning m’thein gui cu,’ Taigü ne kami ng’yoih cu, kami gah ci, ciah nami yum vai, cun ung nami ng’yoih phung nami gah khai.

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

MATTHE 7:7

‘Ng’yoi vä nami gah khai, shui vä nami hmuk khai, kshoh cu khäk vä ning hmawn pe gui khai.

1 JOHAN 5:14

Amät ah ng’yak hlü ah mi ng’yoih thäh phung cu na ngaih pe gui ciah ngaih gep nak om sei, mikmi cu Khanpughi ah ma ah mi k’thamah ci.

JOHAN 16:23

“Cun ah hnüüp ung nangmi naw kei cu a i phi kä nami na ng’shi ba khai. Kei naw akcang ka pyein cu, ‘Kei ah ming awn nami ng’yoih phung cu Kapa naw ning pe gui khai.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

JOHAN 14:14

Nangmi naw kei ah ming awn a i phi nami ng’yoih ah a kyak ung, nami ng’yoih ah mäih ah kei naw ka bik khai nei.”

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

EPHESIAN 3:12

Mikmi cu Bawi Krih ung mi kawngät nak la ani mi yum nak awn, Khanpughi ah ma ah m’lung üp thamah ne mi gawk pyi ci.

JOHAN 16:26

Cun ah a khin a gawk law ung, kei ah ming awn nami ng’yoih ba ung phi, nangmi ah hmawk ah Kapa ah ka ning yoih pe gui khai, ci ne kä ka pyein ba khai.

JOHAN 10:30

Kapa la kei cu tumat ah kani kyak ci” cik ci.

EPHESIAN 2:18

Acun nak awn chang khui hei gui la Jew pakhui mi van cu Bawi Khrit awn Mumcha tumat ung mi kium ne, Pa Khanpughi ah ma ah mi gawk lawk ciah kyak ci.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

JOHAN 12:44

Bawipa Jesuh naw, akdäm ah m’lau ne a pyein cu, “Kei na yum ci cu kei bäng na yum ciah kä kyak ci, kei na tüi lawk ci phi yum ciah kyak ci.

LUKA 11:9

Kei naw akcang ka pyein cu, ng’yoi vä nami ng’yoih ung nami gah khai, shui vä nami shui ung nami hmuk khai, choh cu khäk vä nami khäk ung choh cu ng’hmawng khai.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

JOHAN 5:19

Bawipa Jesuh naw, “Kei naw akcang ka pyein cu,’ A Htapa naw amät ah ngaih ah a i kä bi hning ci, Apa ah bi bi a hmuh ah mäih ah vah bi bik ci. Apa naw abi cu A hta naw phi acun ah bi ba ci.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

EPHESIAN 3:14

Kei cu Pa Khanpughi ah ma ah m’kuukdong ne kang hui ci,

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

JOHAN 16:7

Cun ung phi kei akcang ka pyein cu, kei ka hteh law ung nangmi ah hmawk ah ni pi khai. Kei kä ka hteh ung ning m’htei gui khai cu kä lawk khai. Kei ka hteh ung vah cun ah Mumcha Theing cu ka ning tüih law gui khai.

JOHAN 13:31

Judas a hteh kawn ah Bawipa Jesuh naw, “Tuhbäi chang ah Htapa ah bämang nak cu deikhang pyi ci, Khanpughi ah bäimang nak phi chang ah Htapa ung dei ne dang pyi ci.

1 KORIN 14:13

Kä hmat ah ng’thu pyein ciah chang naw, ang thu cu k’phlah ne a pyein hning vai ah ak taigü vai nei.