JOHAN 13:5 - Cho Bible Common Language 2016

⁵ Cun kawn ah tuiko ung tui kei ne ang düihpüi gui ah khaw cu m’si netah, hmai ghu nak kawn ami kho cu ghu pe gui ci.

JOHAN 13:5 Referans Kwoze

LUKA 7:44

Bawipa Jesuh naw, “Nang ah ngaih cu hman ci nei,” ci nak ci. Cun kawn ah hnumi lam ah ng’hlat netah, Simon-am, “Shin ah hnumi na hmuk ci ang? Kei cu na im kyong ah ka luh law yah ung khaw m’si nak vai kä na na pek ci. Cun ung shin ah hnumi naw ang phli tui awn ka khaw nam si ne, alusam awn ghu pyi ci nei.

SAM 51:2

Ka shet nak gui phung na m’si pe ne, ka cheishoh nak phung na theing sak ä!

ATÜNNAK 19:2

“Saya goi aw, ka im ah law niä, ka ning khin ah goi khai nei. Na ni khaw m’si niä, a shi ah mü ip neta, angdawt ah tho ne khawngawi ah hteit ba niä” cik ci. Ngani naw, “Ka, kei ni amü pum ung mang gaw ng’lung ung kani om khai nei” cik ci goi.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

ATÜNNAK 18:4

Nami khawpha nami m’si nak vai tui ka law püi khai nei, shin ah sing ghing ah kaa ah ng’düm cang vä.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

LAMKTU 22:16

Cun ah kyasei tuk bäi a i vai na ngaih shäng ang? Tho law ne, tui hnim ä, na katnak gui a ning m’si peit vai ah Bawipa ah taigü ä” cine pyein ci.

2 GHANGPUGHANG GUI 3:11

Ghangpughang Jehoshaphat naw, “Bawipa na ng’shi k’thäh pe gui khai ah prophet tumat mat shin ung kä om ne ma?” cine ng’shik ci. Ghangpughang Joram ah gakap bawi naw, “Shaphat ah hta Elisha om ci nei. Ani cu Elijah tawi ciah kyak ci nei.”

1 SAMUEL 25:41

Abigail cu m’dek ung ng’boop neta, “Kei cu ani ah changshäm nei, ani ah chang gui ah khaw m’si vai ah ka om ge ci nei” cik ci.

TAIGÜTHUM 14:8

Cun ah bik ciah chang naw a sui m’su ne, alu k’teiu ne, tui angsi vai. Cun kawn ah ani cu theingthap khai. Ani cu pigaw kyong ah lut law hning ci, cun ung phi ani cu a shaum pigaw ah akpung ah hnüüp chih a om cang vai.

1 JOHAN 5:6

Bawi Jesuh Khrit cu tui awn ang hnim nak la asi huk ne asih nak awn kyum lawk ciah Bawipa ah kyak ci. Ani cu tui bäng awn kyum lawk ciah kä kyak ci, tui la si awn kyum lawk ciah kyak ci. Cun ah düng ciah a mawng cu düng ciah Mumcha naw damg sak ci.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

JOHAN 19:34

Cun ung phi gakap tumat naw Bawipa Jesuh ah am hnaak cu k’htei awn shun khätah, acun vai-am si la tui cu lut lawk ci.

LUKA 7:38

Ang phli tui gui cu Bawipa Jesuh ah kho khan ah yu hteu khätah, alu sam awn ghu ba ci. Cun kawn ah a khaw cu ng’ui netah tuing’ui awn hluk pek ci.

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

ISAIAH 1:16

Nami mät naw nami mät htaih khai ah m’si vä kei naw ka ning hmuh gui ah nami bi ah akshe avan cu düm sak vä. Ä, akshe bi cu ng’düm sak ne.

PHYAWN NAK 29:4

“Aaron la a hta gui cu kei ah om nak ah phung ah m’kawt ung na law püi gui vai, tui na ng’si sak gui vai.

JOHAN 13:10

Bawipa Jesuh naw, “Tui ng’si pyi cicu apum avan theing pyi ci kia sei, akho bäng m’si vai hlü ci. Nangmi ungka tumat ah kawn ah nami van nami theing pyi ci nei” cine pyein ci.

JOHAN 13:8

Peter naw, “nang Bawipa naw kei ah kho cu a i yah ung phi kä nam si khai nei” cik ci. Bawipa Jesuh naw, “Kei naw na kho kä ka ning m’si ung, nang cu kei ah ng’düihpüi ah kä na kya ba khai” cine pyen nak ci.

ATÜNNAK 43:24

Changshäm naw ngami cu kyong ah luh püi gui ci. Ani naw tui pe gui sei ami khaw m’si ci gui. Ani naw ami laa phi vuh pe gui ci.

SUKI GUI 19:21

Ani naw a im ah hteh püi gui neta ami sela phi vuh ci. Akhin gui cu ami khaw m’si neta, ei ei tuk ci gui.

JOHAN 13:6

Simon Peter ah gawk khätah, Peter naw, “Bawipa kei ah kho nam si khai maa?” cik ci.