JOHAN 13:38 - Cho Bible Common Language 2016

³⁸ Bawipa Jesuh naw, “Nang naw kei ah hmawk ah na ghin nak na pek khai maa? Kei naw akcang ka pyein cu, ai kä ah khawn pha ung ani kä ka hmat ci nei cine thum vei na na mak khai nei” cine kiak nak ci.

JOHAN 13:38 Referans Kwoze

LUKA 22:34

Bawipa Jesuh naw, “Peter aw, kei naw akcang ka pyein cu hngeng mü, ai kä a khon phaa ung, ‘Ani kä ka hmat ci nei’ cine thum vei na na mak khai nei” cine pyen nak ci.

MATTHE 26:34

Bawipa Jesuh naw, “Kei naw akcang ka pyein cu, atuhmü ai kä a khon pha ung, nang naw kei cu, ‘Ani kä ka hmat ci nei,’ cine thum-vei na na mak khai nei,” cine Peter cu pyen nak ci.

MAKUH 14:30

Bawipa Jesuh naw Peter-am, “Kei naw akcang ka pyein cu, tuhmü ai kä a khon pha ung, nang naw kei cu, ‘Ani kä ka hmat ci nei’ cine na na mak khai nei” cine pyen nak ci.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

1 KORIN 10:12

Kei khüi ne kang düi ci cik ciah chang naw kä a kyuktäät vai ah ak tha nak pi vai nei.

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

NG'THU K'THUUK~ 28:26

Na mat ah ngaih ba ah na om cu na gu ang ah kyak ci. Na phyawn nak vai ah cuivai ba pi ciah m’theithang cu na lak vai.

LUKA 22:33

Peter naw, “Bawipa, kei cu nang awn, thawng na kium ung phi atäng ah ka kium vai, m’htei na hteh ung a täng ah ka hteh vai ah ka yum ci nei” cik ci.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

JOHAN 16:31

Bawipa Jesuh naw, “Tuhbäi nami yum ci ang? Akhin cu gawk lawk ci, tuhbäi gawk law pyi ci.

LAMKTU 11:10

Cun kawn ah ka om nak ah im ah chang sing thum gawk law ghet ci gui.