JOHAN 13:34 - Cho Bible Common Language 2016

³⁴ Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

JOHAN 13:34 Referans Kwoze

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

JOHAN 15:17

Cun kawn ah ‘Tumat la tumat nami yumhni tu vai nei’ ciah thukhän ka ning pe gui ci.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

1 JOHAN 4:21

Bawi Khrit ah na peit gui ah thukhän cu: Khanpughi m’hni ci naw, a phäi nau phi am hni vai nei, ciah kyak ci.

JAMES 2:8

Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

1 THESSALONIAN 3:12

Nangmi tumat la tumat nami ng’hni nak tu la chang hei nami m’hni nak cu, keimi naw nangmi kami ning m’hni gui hlawk ah a hlüngtai law vai ah Bawipa naw ning pyang m’tham gui sä.

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

2 JOHAN 1:5

Cun ah kyasei kam hni ah hnumi, mikmi cu mi van mi ng’yumhni tuk khai nei. Shin ah ca ka guk law shi thukhän thai ah kä kiak ci, ak htük bäih ge ung nangmi ung om ciah thukhän ah kiak ci.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

1 JOHAN 3:11

Cau ak htük ge ung mi ng’yak ah thu Ni cu, “Mikmi cu tumat la tumat mi ng’hni tuk khai nei,” ciah kyak ci.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

HEBRU 13:1

Krihta ah kya ne tumat la tumat nami yumhni tu vai nei.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

2 PETER 1:7

Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

KOLOSE 1:4

Bawi Khrit ung nami yum nak ah mawng la Khanpughi ah chang avan nami m’hni nak ah mawng cu, kami ng’yak ci nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

JOHAN 17:21

O Kapa! Nang cu kei awn kawng ät ci sei, kei phi nang awn ka kawng ät ah mäih ah, ngami gui cu kawng ät sak gui ä. Kei cu nang naw na na tüih law ah m’dek chang gui naw ami yum vai ah, ngami gui cu kawng ät sak gui ä.

SAM 119:63

Kei cu na khuut bik ci avan la na thukhän läk ci avan ah teihpüi ah ka kyak ci.

SAM 16:3

Bawipa ah bekhüt ciah ak chang gui cu a i hlawk ah küikyang ci ang! Kei ah hlüngtai pi ciah yeikyai nak cu ngami awn atäng ah om ci nei.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

ROMAN 13:8

Nang mi tumat la tumat nami ng’yumhni tu ah kawn ah a i pupawn phi kä om men sä. A paw chang m’hni ciah chang cu thukhän läk ciah kyak ci.

ROMAN 13:10

Ak chang paw m’hni ciah chang cun naw, a i yah ung phi am hni ah shetkat nak vai cu kä bik khai nei. Cun kya sei ak chang paw m’hni ciah chang cu thukhän a van läk ciah kyak ci.