JOHAN 13:3 - Cho Bible Common Language 2016

³ Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.

JOHAN 13:3 Referans Kwoze

JOHAN 3:35

Apa Khanpughi naw A Htapa cu m’hni aih netah, bämang nak avan cu akut ung ap ci.

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

1 KORIN 15:27

Cacim ung, “Khanpughi naw a päng avan cu a kho kaa ah gawk sak ci” ciah om ci.” Apän avan” ci nak ung Khanpughi kä boi tuk ci, a i ah kyasei ci ung a päng avan Bawi Khrih ah kho kaa ah gawk sak cicu Khanpughi ah kyak ci.

LAMKTU 2:36

Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

JOHAN 7:33

Bawipa Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei.

JOHAN 7:29

Cun ung phi kei cu ani naw na tüi law sei, ani ungka ka lawk ciah kya ne, kei naw ani cu ka hmat ci,” cine m’lau ne pyein ci.

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

JOHAN 8:14

Bawipa Jesuh naw, “Kei naw ka mät ah mawng ka saksi cu, ngaih gep ci. A i ah kyasei ci ung, a hawi lam ah kaa law ne, a hawi lam ah hteh ba vai cu kei naw ka hmat ci, Nangmi naw a hawi lam ah kaa law ne, a hawi lam ah hteh ba vai cu kä nami hmat ci.