JOHAN 13:27 - Cho Bible Common Language 2016

²⁷ Cun ah m’htut la ne a ei vai-am satan cu ani ah kyong ah lut pyi ci.

JOHAN 13:27 Referans Kwoze

LUKA 22:3

Cun kawn ah Satan cu Judas Iskariot ah m’lung kyong ah lut ci.

JOHAN 13:2

Bawipa Jesuh la ang Düihpüi gui cu mü-ei ei ci gui. Khoshe naw Simon Iskariot a hta Judas cu, gaa ah kut ung Bawipa Jesuh cu a ap vai ah am lung kyong ah am cäi pyi ah kyak ci.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

MATTHE 12:45

Cun kawn ah amät ah mä shekha pi ciah khoshe pachih cu va khü tu ba gui sei, acun ung a täng ah om ci gui. Cun ah kyasei khoshe ah kai ah chang, ak hnu ah a shetkat nak cu, ak htük ungka ah mä, shekha law pi ci. Shin cu tuhbäi shekhak ciah chang gui ung gawk lawk khai ah a mawng ah kyak ci nei” cine pyen na gui ci.

THUSHÄUTU 9:3

Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

NG'THU K'THUUK~ 1:16

Ngami cu akshe bi vai ah kä ng’giin ci gui. Chang ngawn vai ah patyaang ci gui.

DANIEL 2:15

A i ah kyasei shin ah mäih ng’thu k’bäi ghangpughang naw a bi ang cicu ng’shik ci. Cun ah kyasei Arioch naw amawng avan cu Daniela am m’thein tuk ci.

MAKUH 6:25

Hnumi hta cu acun vai-am ghangpughang ah ma ah dawnglaw ba netah, “Tuihnim Johan ah lupum cu tawnglawng ung m’khäp netah atuhbäi na na peit vai ka yum ci nei” cine pyein ci.

SAM 109:6

Ka ga cu thu m’chak khai ah m’gak ci cu ghü ä, ani cu amät ah ga awn di sak ä.

1 GHANGPUGHANG GUI 18:27

Khaw hnüüp law khäta, Elijah naw gaih tu gui ne a pyen cu, “M’lau pi ne taigü vä! A ni cu a i baw ngaih-tüh ne, käcung, ng’naw phyam ne, käcung, a hawi baw hteit ne kyak khai nei! Käcung ip bawk khai, cun ah kyasei nami m’thawh vai nei!” cik ci.

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

JOHAN 6:70

Bawipa Jesuh naw, “Kei naw chang gha-lei-goi ka ning ghü gui ciah kä kya ne ang? Cun ung phi nangmi ungka chang tumat cu, khoshe ah kyak ci nei” cine pyen na gui ci.

JOHAN 13:28

Cun kawn ah Bawipa Jesuh naw, “na bi vai cu akyä ah nabi vai nei” cine pyen nak ci. A i ah kyasei Judas-am cun a ci nak ah acun ung ngok ci gui naw kä hmat ci gui.