JOHAN 13:2 - Cho Bible Common Language 2016

² Bawipa Jesuh la ang Düihpüi gui cu mü-ei ei ci gui. Khoshe naw Simon Iskariot a hta Judas cu, gaa ah kut ung Bawipa Jesuh cu a ap vai ah am lung kyong ah am cäi pyi ah kyak ci.

JOHAN 13:2 Referans Kwoze

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

THU PHLAAN 17:17

Ngami naw Khanpughi ah ng’thu düng a gawk law güt ami huham cu khiküi-am ami ap vai ah, Khanpughi naw ngami ah m’lung cu pyan pe gui ne, amät ah ng’bü nak ah mäih ah bilawh sak gui ci.

EPHESIAN 2:3

Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.

2 KORIN 8:16

Keimi naw kami ning m’hteihtang gui hlü ah mäih ah Titus cu kyak sak ciah Khanpughi cu m’hlünttai nei.

LUKA 22:31

Bawipa Jesuh naw, “Simon, Simon, htangmguh m’hääi ne, angshi angtak m’chaa ah mäih ah ning m’khoimchaa gui khai ah Satan naw akhin gah pyi ci nei.

LUKA 22:3

Cun kawn ah Satan cu Judas Iskariot ah m’lung kyong ah lut ci.

NEHEMIAH 2:12

Kei naw Jerusalem ah phäh ah ka bi vai ah Khanpughi naw ana m’shumphyuk cu, kei naw a u am kä ka m’thein ci. Khomü cawih ah tho law ne ka chang gui api khah püi gui ne akpung ah ka hteit ci. Kei ah ng’cuum nak ka laa tumat bäng kami hteh püi ci.

EZRA 7:27

Ezra naw, “Mi pupa gui ah Khanpughi Bawipa cu m’hlüngtai nei. Jerusalem ah Bawipa ah a Taigüim shicha ah ghangpughang naw am tamkhah hlü vai ah ani naw bik ci nei.

JOHAN 13:4

Cun ah kyasei, a ngoh nak ungka ng’düi law ne, a suinu cu sut netah, hmai ghunak la ne akhei cu ven nak ci.

MATTHE 10:4

M’lungling ciah Simon; la Bawipa Jesuh gaa-am ap ciah Judas Iskariot gui ah kyak ci.

JOHAN 13:11

(Bawipa Jesuh naw gaa ah kut ung ap khai ah chang cu hmat pyi ciah kya netah, tumat ah kawn ah nami van nami theing pyi ci nei’ aciah kyak ci.)