JOHAN 13:19 - Cho Bible Common Language 2016

¹⁹ Shin ah mawng gui ng’dawt ne ka ning m’thein gui cu, ka pyein gui akcang ah a kyak law hnüüp ung ‘Kei cu Kei’ah ka kyak ah mawng nami yum vai ah hmawk ah kyak ci.

JOHAN 13:19 Referans Kwoze

JOHAN 14:29

Shin ah a mawng gui agawk law ung nangmi naw nami yum vai ah hmawk ah kä a gawk law pha ung ka ning m’thein gui ah kyak ci. Nangmi awn kei aksho kä mi ng’thu ba khai,

ISAIAH 43:10

“Israel chang gui, nangmi cu ka ning saksi gui nei; kei naw ka ning changshäm gui vai ah ka ning ghü gui nei, Cun ah kyasei nangmi naw nami na hmat vai, nami na yum vai, kei bäng khanpughi ah ka kyak cu nami hmat vai. Kei ah kawn ah a hei khanpughi kä om ci; Cau phi kä om man ci, ngawi ah phi kä om khai.

JOHAN 16:4

Chang gui naw shin ah mawng gui ami bi nak vai ah khin a gawk law ung, nangmi naw nami shüm ba vai ah ka ning m’thein gui ah kiak ci nei. “Kei cu nangmi awn a täng ah ka om mei yah ci kyasei, akhtük ung shin ah mawng gui kä ka ning m’thein gui ah kyak ci.

ISAIAH 48:5

A cau ge ung kei naw nami malam ah mawng cu ka pyen pyi ci, cun gui kä ami kiak pha ung ka ng’shäu pyi ci, Cun gui cu, nami agup gui naw a kyak sak ah nami pyen vai ah kyi neta, shung nak ah kyak ci.

JOHAN 8:58

Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

MATTHE 24:25

Ngai vä bäi, shin ah a mawng gui kä a gawk law pha ung kei naw ng’daut ne ka ning m’thein gui ah kyak ci nei.

MATTHE 11:3

“Nang cu Johan naw lawk khai, a ciah Bawipa ang? Kä cung a hei Bawipa kami ngäng ba khai ang? ciah ng’shi vä, cine, ng’shi sak gui ci.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

JOHAN 1:15

Johan naw ani ah mawng ng’shä ne a pyein cu, “Kei naw ka pyein man ah chang cu ani nei, ani cu kei ah hnu ah lawk ci, cun ung phi kei ah hlüngtai pi ci, a i ah kyasei ci ung ani cu kei kä ka ng’tüi pha ung ng’tüi pyi ci.

LUKA 21:13

Cun gui cu nangmi naw Thu Ni nami pyein nak vai ah akhin k’ni ah kiak khai.

ISAIAH 41:23

Ngawi ah a i ah kya lawk khai cicu na m’thein gui vä — Cun ung nangmi khanpughi ah nami kyak cu kami hmat khai nei! Akni bi vä, käcung, leigai baw law püi vä; kyikyawk, kyih aa nakawn na be sak gui vä!

JOHAN 4:26

Bawipa Jesuh naw, “Cun ah Messiah Bawipa cu, tuhbäi nang ning thu püi ciah, kei ah kyak ci nei” cine pyen nak ci.

JOHAN 8:28

Cun ah kyasei ani naw, “Chang ah hta cu häi ne nami tai kawn ah vah,’ Kei cu kei ah’ka kyak ah mawng la kei naw ka mät ah ng’yak hlü ah kä kyak ciah, Pa Khanpughi ah nam cäi ah mäih ah ka bilawh cu nami hmat khai.