JOHAN 13:18 - Cho Bible Common Language 2016

¹⁸ “Nangmi nami van ka ning pyein gui ah kä kyak ci; ka ning ghü gui ah kyasei ka ning hmat gui yawp ci. Cun ung phi cacim ung, “Kei ah buh ei ci naw kei na khep ba ci nei” cicu kümbe khai nei.

JOHAN 13:18 Referans Kwoze

SAM 41:9

Ka teihpüi ni pi, ka ngaih u pi bäih, ka ei vai phi k’pai ne ka ei püi, Naw phi ng’hlat ne na hnung’tuk püi ci nei.

MATTHE 26:23

Bawipa Jesuh naw, “Kei awn a täng ah ei-bei ät ung ei ciah chang naw kei cu ga ah kut ung na ap khai nei.

JOHAN 17:12

Kei cu ngami awn kami om yah ung, nang naw na na peit ah ming, hlüngtai ciah ming awn kam htei gui ci. Kei naw ngami cu ka shungvong gui ci. Cacim ung om ciah mäih ah maih khai ah k’bäi ah chang tumat ah kawn ah tumat phi a u kä maih ci nei.

MAKUH 14:20

Bawipa Jesuh naw, “Cun ah chang cu kang düihpüi gha-lei-goi ungka ah kyak ci. Kei ah ka ei nak ah k’bei ung phyom ne ei tuk ciah kyak ci.

JOHAN 13:26

Bawipa Jesuh naw, “Shin ah m’htut k’bou ne khap ung yuk phung netah ka peit ah chang cu a ani nei” cine m’htut bou la ne khap ung phung netah, Simon Iskhariot ah hta Judas-am pek ci.

JOHAN 6:70

Bawipa Jesuh naw, “Kei naw chang gha-lei-goi ka ning ghü gui ciah kä kya ne ang? Cun ung phi nangmi ungka chang tumat cu, khoshe ah kyak ci nei” cine pyen na gui ci.

JOHAN 15:19

M’dek khan ng’yak hlü cu nami khäm ah a kyak ung m’dek khan naw khäm ne ning m’hni gui khai. Cun ung phi shin ah m’dek khan ung kaa kei naw ka ning ghü gui ci, nangmi naw m’dek khan kä nami k’chaw na ba ci; cun ah kyasei m’dek chang naw nangmi cu ning gen gui ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

MATTHE 10:36

Chang tumat ung ak nget pi bäih ah aga cu, amät ah kyong ung kaa ah kyak khai nei.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

2 KORIN 4:5

Keimi naw ka mi mät ah mawng kami pyeinsak ah kä kyak ci; Jesuh Khrih cu Bawi ah a kyak ah mawng la keimi cu Bawi Jesuh ah hmawk ah nangmi ah changshäm ah kami kyak ah mawng kami pyein ci.

JEREMIAH 41:2

Ishmaela la chang sing gha naw ami sem phawng u ne. Kedaliah cu ngawn ci gui.

MATTHE 26:21

Ei ami ei yah ung Bawipa Jesuh naw, “Kei naw akcang ka pyein cu, chang tumat naw, kei cu ga ah kut ung na ap khai nei,” cine kyak na gui ci.

MAKUH 14:17

Khomü hun law khätah Bawipa Jesuh cu ang düihpüi gha-lei-goi awn a täng ah, gawk lawk ci gui.

MAKUH 14:18

Ngami cu a täng ah vun vai ne ami ei yah ung Bawipa Jesuh naw, “Kei naw akcang ka pyein cu, tuhbäi a täng ah vun ne mi ei ciah nangmi ungka chang tumat naw, kei cu ga ah kut ung na ap khai nei” cine pyen na gui ci.

LUKA 22:21

“Cun ung phi teng vä, gaa ah kut ung kei na ap khai ah chang cu kei awn a täng ah vai tuk ci nei.

JOHAN 13:21

Cun kawn ah Bawipa Jesuh cu am lung kyong ah ang htei ah yaica netah, “Kei naw akcang ka pyein cu, nangmi ungka chang tumat naw kei cu gaa ah kut ung na ap khai nei” cine ang dang ah pyein ci.

JOHAN 13:22

A u bä a pyein ah kä hmat u netah, ang düihpüi gui cu tumat la tumat cäi ne ng’teng tuk ci gui.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

JOHAN 18:32

(Cun ami cicu Bawipa Jesuh naw amät ah sih vai ah mawng a pyein cu ang dang nak vai ah hmawk ah kyak ci)

JOHAN 19:24

Gakap gui naw cun ah ami bi cu, cacim ung; ngami naw kei ah suisak ng’pai ci gui, ka suinu phi m’shüih tawk ne lak ci gui” ci cu a khüm nak vai ah kyak ci.

JOHAN 19:36

Cun cu’ani ah guh tumat phi kä hnget khai’ ciah cacim ung om ci cu a khüm nak ah kyak ci.

LAMKTU 1:2

Khankho ah akai ba ung khüt ciah kya ci. Cun ah kä ah kai pha ung a ghü gui ah ang düihpüi gui cu Mumcha Theing awn lam shüm gui shüt ci.

LAMKTU 1:16

Cun kawn ah Peter cu ng’düi law ne tah, “Phäi näu gui aw, Bawipa Jesuh phak khai gui am, lam shüm gui ciah, Judas Iskariot ah mawng ca ng’cim ung om cicu küm pyi ci nei. Cun ah ca ng’cim cu Mumcha Theing naw David ah ng’thu awn a pyein ah kyak ci.