JOHAN 13:17 - Cho Bible Common Language 2016

¹⁷ Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

JOHAN 13:17 Referans Kwoze

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

JAMES 4:17

Cun ah kyasei akni hmat lang ne kä bik ciah chang cu, shetkat nak bik ciah kyak ci.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

PHYAWN NAK 40:16

Moses naw Bawipa ah thumkhän ah mäih ah avan bi yawp ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

SAM 19:11

Cun gui naw na changshäm kei-am hmuh hmat nak na pek ci; A cun ka ngaih ah hmawk ah kei cu m’cümhnah nak ka gah ci.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

ATÜNNAK 6:22

Khanpughi naw a pyen ah mäih ah Noah naw avan cu bik ci.

JOHAN 15:14

Nangmi cu kei ah thukhän nami läk ung kei ah teihpüi ah nami kiak ci.

NG'THU K'THUUK~ 29:18

Khanpughi ah lam shüm nak kä om ciah khochang cu kä ng’käkhtäng ciah khochang ah kyak ci. Khanpughi ah thukhän k’pang ciah chang cu yeikyai nak om ci.

JEREMIAH 11:6

Bawipa naw na pyen nak ci, “Judah mang gaw gui la Jerusalem lam gui ung hteit vä. Ka ng’thu cu shä vä, thukhän ah mawng gui ami ngaih vai la ami läk vai ah m’thein gui vä.

ROMAN 2:13

Chang cu thukhän ng’yak nak düt awn Khanpughi ah ma ah ng’düng ciah kä kyak ci, thukhän ah pyein läk ciah chang cun vah, Khanpughi ah ma ah ng’düng ciah kyak ci.