JOHAN 12:6 - Cho Bible Common Language 2016

⁶ Ani naw acun ah a pyein cu, pyamthaam ci gui am gein gui su ah kä kyak ci, m’gu man te ci kya netah acun ah a pyein ah kyak ci. Ani cu ngui ng’ip k’bah ci kya ne ngui m’gu ne mang ci ci.

JOHAN 12:6 Referans Kwoze

JOHAN 13:29

Judas cu ngui ip shäm ne ngui khäm ciah kyasei, pawi ung kaa vai a i bawi khleih vai, kä cun ung, pyamthaam ci-am peit taak vai ah Bawipa Jesuh naw täk ciah amshah naw ngai ci gui.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

JAMES 2:2

A vaisü ah nami ng’bum nak ung, bühmang ciah chang tumat cu ghui shawi awi ne sui k’ni sui ne law tuk khai; pyamtham ciah chang tumat cu, sui she sui ne law tuk khai;

1 THESSALONIAN 5:22

akshe phung cu nami nawng vai nei.

KALATIAN 2:10

Ngahmi naw ghawipyam ci gui, nami shüm gui vai nei, cine nam cäi gui ci gui, cun cu kei naw ka bi hlü pi ah kyak ci.

1 KORIN 6:10

M’guk ei gui, ng’yak hlü nak aih om ci gui, awktat ci gui, ng’plahtang ci gui, la chang ah khawh guttep ci gui cu, a u naw phi Khanpughi ah uknak kho kä khäm tuk khai gui nei.

JOHAN 10:13

Chang ghüh cu ng’vah ah kyak ne, hto gui nawng gui ne dawng ci.

MATTHE 21:13

Cun kawn ah Bawipa Jesuh naw, “Cacim ung Khanpughi naw, ‘Ka pum im cu taigü nak ah im ah kya ci nei,’ cik ci. Cun ung phi nangmi naw m’guk ei ah ng’thuh nak ah nami pyang ci nei,” cine kyak na gui ci.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

NG'THU K'THUUK~ 29:7

Changninaw dukhaih ci gui ah chaw vai cvu hmat ci, cun ung phi chang shekha gui naw cun ah mäih cu kä hmuhmat ci gui.

SAM 14:1

Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

LUKA 8:3

Herod ah mangkyong ung bawi ah kyak ciah Chuya ah chu Joanna; Susanna la Bawipa Jesuh la ang düihpüi gui-am tu m’bei gui vai ah ami mät ah ei awk phui ne law tuk ci gui ah a hei hnumi akda gui ah kyak ci.

JOHAN 12:5

Angdüihpüi tumat Bawipa yoi khai ah chang naw, “A i ah kyasei shin ah tuing’ui cu ngui phia thum ah yoi ne pyamthaam ci gui-am kä na peit gui ang?” cik ci. Ani cu a ngawi ah ga ah kut ung Bawipa Jesuh ap khai ah chang ah kyak ci.