JOHAN 12:5 - Cho Bible Common Language 2016

⁵ Angdüihpüi tumat Bawipa yoi khai ah chang naw, “A i ah kyasei shin ah tuing’ui cu ngui phia thum ah yoi ne pyamthaam ci gui-am kä na peit gui ang?” cik ci. Ani cu a ngawi ah ga ah kut ung Bawipa Jesuh ap khai ah chang ah kyak ci.

JOHAN 12:5 Referans Kwoze

LUKA 18:22

Cun aci cu Bawipa Jesuh naw ng’ya netah, “Nang ung tumat hlü ba ci, na khawhchaam avan yoi ne, ghawipyam ci gui-am na peit gui vai, cun ung nang cu khankho ah na bühmang khai; cun kawn ah kahnu ah na na läk vai” cine pyen nak ci.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

JOHAN 6:7

Philip naw, “Ngui phia-goi phu khleih ung phi, chang shikchü naw api ciah phi käng küh khai gui nei” cine pyein ci.

LUKA 6:41

Na mät ah mik ek kä hmuh ah na paw ah mik mu ung ng’väi hta cu kä na teng peit vai.

MATTHE 20:2

Ghüh ah ng’cheng man ah hnüüp ät ung tangka aphe ci awn cheng gui vai ah ghüh gui ne lo ah tüi gui ci.

AMOS 8:5

Nangmi nami mät ng’thu u ne, “Theingciim ciah hnüüp ang pyi vai cu, keimi naw aktung ah kami ngäng ci nei, cun ung keimi naw kami htang cu kami yoi hlawt khai. Kyiin nak hnüüp cu a i yah ung ng’pyi khai ang? Cun ung kami yoihtuk vai kami tün ba khai nei. Cun kawn ah keimi naw kami shum khai, kä hman ciah nän nak gui, kä düng ciah khin nak gui.

PHYAWN NAK 5:17

Ghangpughang naw, “Nangmi cu nami dam ci, a i kä nami bi hlük ci, cun ah kya ne, nami Bawipa nami khawihnah khai ah ka ning hteh sak gui vai ah nami na k’thäh ci.

PHYAWN NAK 5:8

Cun ung phi uk cu ayan ka chü nami pyan sak gui vai, kä ken en pi sä bäi. Ngami ami bi vai aktung kä om sei, ami Khanpughi khawihnah vawihpeh khai gui ah, hteh sak gui vai pyen ne k’thäh lawk ci gui.

MATTHE 18:28

“Cun ung phi ani cu phyawng ne a hteh ba kawn ah, lam ah ngui api ak pu tu ah ak changshäm paw cu hmu ne, a gawn ung pha ne k’pang netah, ‘Ka ngui na pu tu cu a tuhbäi na thung law ba ä,’ ci ne k’ceet ci.

JOHAN 12:4

Cun ah tuing’ui cu kyong khui avan ung ng’ui lawk ci.

JOHAN 12:6

Ani naw acun ah a pyein cu, pyamthaam ci gui am gein gui su ah kä kyak ci, m’gu man te ci kya netah acun ah a pyein ah kyak ci. Ani cu ngui ng’ip k’bah ci kya ne ngui m’gu ne mang ci ci.

JOHAN 13:29

Judas cu ngui ip shäm ne ngui khäm ciah kyasei, pawi ung kaa vai a i bawi khleih vai, kä cun ung, pyamthaam ci-am peit taak vai ah Bawipa Jesuh naw täk ciah amshah naw ngai ci gui.

EZRA 4:14

Keimi cu nang bawi ah na ka ung kami om ci kyasei Shin ah mäih ah akyak vai cu kä kami hmu hlük ci nei. Cun ah kyasei kami ning m’cäimthein nei.