JOHAN 12:49 - Cho Bible Common Language 2016

⁴⁹ A i ah kyasei ci ung, kei naw kamät ah ngaih ah thu ka pyein ciah kä kyak ci, na tüi lawk ciah Kapa ah huham awn ng’thu ka pyein ah kyak ci.

JOHAN 12:49 Referans Kwoze

JOHAN 14:10

Kei kapa ung ka om ci, Kapa kei ung om ci ‘Ka cicu kä na yum ci ma? Nangmi ah ma ah kei ah pyein gui cu ka mät ah ng’thu ah kä kyak ci, kei ah bi gui cu kei ung om ciah Kapa ah bi gui ah kyak ci.

JOHAN 8:26

Nangmi ah mawng ka pyein vai akda om ci, nami katnak ka ning m’kat gui vai phi akda om ci. Kei na tüi lawk cicu düng ci, ani ung kang yak gui bäng vah, khomdek chang gui-am ka ning m’thein gui ci,” cine pyen na gui ci.

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

THULÄÄN NAK 18:18

Kei naw nang ah mäih ah prophet cu ami mät ah chang ungka ka tüi khai. Kei naw a i a pyen vai cu ka m’thein khai. Kei naw ka thumkhän päng cu ani naw chang gui am thein gui khai.

JOHAN 14:31

Cun ung phi kei naw Kapa kam hni cu m’dek chang avan naw a hmat vai nei, Kei naw Kapa cu m’hni ne a nam cäi phung avan ka bik ci, ‘Law vä a hei ah mi hteit kaw’ cik ci.

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

JOHAN 3:32

Ani naw a hmuh la ang yak cu pyein sei phi ani ah ng’thu cu a u naw kä dou ci.

JOHAN 3:11

Kei naw akcang ka pyein cu, keimi naw kami hmat cu pyein u ne, kami hmuh cu kami ngak ci. Cun ung phi keimi ah pyein sak cu nangmi naw kä nami yum ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

JOHAN 5:19

Bawipa Jesuh naw, “Kei naw akcang ka pyein cu,’ A Htapa naw amät ah ngaih ah a i kä bi hning ci, Apa ah bi bi a hmuh ah mäih ah vah bi bik ci. Apa naw abi cu A hta naw phi acun ah bi ba ci.

JOHAN 6:68

Simon Peter naw, “Bawipa, a u ah om nak ah keimi kami hteh vai ang? Nang Bawipa bäng naw vah angtäi ghin nak ah ng’thu cu na pyein ci.

JOHAN 7:16

Bawipa Jesuh naw, “Shin gui cu ka mät ah m’theithang ah kä kyak ci, na tüi lawk ciah Khanpughi ungka lawk ciah kyak ci.

JOHAN 8:28

Cun ah kyasei ani naw, “Chang ah hta cu häi ne nami tai kawn ah vah,’ Kei cu kei ah’ka kyak ah mawng la kei naw ka mät ah ng’yak hlü ah kä kyak ciah, Pa Khanpughi ah nam cäi ah mäih ah ka bilawh cu nami hmat khai.

JOHAN 14:24

Kei kä nam hni ciah chang naw, kei ah m’thei thang phi kä ngai khai. Kei ah ning m’thei thang gui cu ka mät ungka lawk ciah kä kyak ci, kei na tüi lawk ciah Kapa ungka lawk ciah kyak ci.