JOHAN 12:48 - Cho Bible Common Language 2016

⁴⁸ Kei na hnu ng’tuk püi ne kei ah ng’thu kä ngai ciah chang m’khoichak khai tumat om ci. Akhnu hnüüp ung kei ah ng’thu cu cun ah chang m’khoichak ciah bawi ah kyak khai.

JOHAN 12:48 Referans Kwoze

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

ROMAN 2:16

Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

JOHAN 11:24

Mahta naw, “Ak hnubäih kho hnüüp sik ci gui ami thawh law ba ung, tho ba ne ghing ba khai ah ka hmat ci nei” cine pyein ci.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

JOHAN 5:45

Cun ung phi kei naw Khanpughi ah ma ah cheishoh nak ka ning pe gui khai ah kä nami ngaih vai. Nami cheishoh nak ning m’dang pe gui khai cu nami ngaih u ah Moses ah kyak ci.

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.

1 SAMUEL 10:19

Kei cu nami na Khanpughi, nami khüikha nak la nami geinvai nak avan ung ka ning hun gui ci, cun ung phi tuhngawi nangmi naw na hnu ng’tuk püi u ne, ghangpughang ka ning pek gui vai ah nami na k’thäh ci. Cun ung bä aih khai, nami van a täng ah pakhui ah si, pa ng’pai ah si ah, Bawipa ah ma ah nami ng’bum vai” cik ci.

2 KORIN 4:3

Keimi ah pyein, ah Thu Ni cu ang yih ah a kyak ung chükmaih ci gui ah hmawk ah ng’yih ciah kyak khai.

LUKA 20:17

Bawipa Jesuh naw, chang gui teng gui netah, “Lung im co ci gui naw, ami ghawh ah lung cu, a phu küi pibäih ciah, lung ah kya lawk ci” ciah cacim ah mawng cu ka ning m’thein gui khai.

LUKA 17:25

Cun ung phi chang ah Htapa cu nuipai ciah yaica nak la tuhchü chang gui ah huut-taap nak cu bui maa khai nei.

LUKA 9:26

Kei la kei ah ng’thu ah hmawk ah lü ng’aa ciah chang cu, chang ah Htapa amät ah bämang nak la Apa ah bämang nak, khankho chang theing gui ah bämang nak awn, a kyum law ba hnüüp ung, ani ah hmawk ah lü ng’aa nak om khai.

LUKA 9:22

Cun kawn ah Bawipa Jesuh naw, “Chang ah Htapa naw yaica nak akda awt khai, chang ng’vai gui, taigüpa gui, thukhän saya gui naw, shedam nak khai gui. Ani cu sih nak phi awt khai, cun ung phi ak hnüüp thum hnüüp tho ba ne ghing ba khai” ci ne ang düihpüi gui-am m’thein gui ci.

LUKA 7:30

Cun ung phi Pharisee gui la ng’thukhän hmat ci gui läi cu, Khanpughi ah ng’yak hlü nawng ci gui ah kya ne, Johan ah tuihnim nak cu maa nak ci gui.

MAKUH 16:16

Zum ne tuihnim nak lak ciah chang phung cu hun phiawn nak gah khai hei; kä yum tuk ciah chang phung cu shetkat nak om khai nei.

MAKUH 12:10

Cacim ung om cicu nami phat man khai nei; ‘Lung im co ci gui naw, ami nawng düt ah lung cu, Ak küikyang pibäih ah lungtung ah kya lawk ci nei.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

1 SAMUEL 8:7

taigü ci, Bawipa naw, “Chang gui naw ami ning pyen nak phung cu na ngaih vai. Nang cu ngami naw ami hnu ng’tuk püi ah chang ah kä na kyak ci, kei vah ngami naw ami hnu ng’tuk püi ah ghangpughang ah ka kyak ci.

LAMKTU 3:23

Cun ah prophet ah ng’thu kä ngai ci phung cu, Khanpughi ah ak chang ung ka m’chah ne k’pai netah m’di khai.”

MAKUH 8:31

Cun kawn ah Bawipa Jesuh naw ang düihpüi gui-am, “Chang ah Htapa cu yaica nak akda bui awt khai, chang ng’vaigui, taigüpa gui la thukhän saya gui naw hnu ng’tuk püi khai gui. Ani cu ngawn khai gui, cun ung phi ak hnüüp thum hnüüp ung tho ba ne ghing ba khai” cine m’thein thang gui ci.

MATTHE 10:15

Kei naw akcang ka pyein cu, m’khoichaa nak ah hnüüp ung cun ah pigaw gui cu, Sodom la Komorrah ah tah nui pi ciah m’shet nak cu hmuk khai nei.

JOHAN 6:39

Na tüi lawk ciah ang yak hlü cu, amät ah na ap ah chang gui di maih nak ung kä gawk khai gui ah, akhnu hnüüp ung sihnak ung kaa ka thawh ba sak gui vai ah kyak ci.

JOHAN 8:47

Khanpughi ungka lawk ci naw Khanpughi ah thu ngai ci, nangmi cu Khanpughi ungka kä nami lawk ciah kya ne, ani ah ng’thu cu kä nami ngai ci” ci na gui ci.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

HEBRU 10:25

Mi ng’hmuhteng kyumbom nak cu chang m’shah gui ah mäih ah kä mi nawng nüt ten neh, tumat la tumat k’thamah nak ming pe tuk khai, nami hmat ah mäih ah Bawipa ah Hnüüp phi ng’et law pi ci kia sei, tha ng’pe tu ne mi om khai nei.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.