JOHAN 12:42 - Cho Bible Common Language 2016

⁴² Cun ung phi huham nak om ciah Jew chang akda naw Bawipa Jesuh cu yum ci gui. Cun ung phi pharisee gui naw ngami cu pum im ungka amik täm gui vah kyi u netah, a u naw phi ayum nak ah mawng cu ang dang ah kä pyein ci.

JOHAN 12:42 Referans Kwoze

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

JOHAN 9:22

Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.

JOHAN 7:13

Cun ung phi Jew chang vai gui cu kyi u netah, a u naw phi ang dang ah kä pyeinsak ci.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

MATTHE 10:32

‘Chang gui ah ma ah kei cu ana Bawipa ah pyein ne, m’dang ne ng’kiaa ciah chang cu, kei naw khankho ka Pa ah ma ah, kakchang nei cine m’dang ne ka pyein khai.

1 JOHAN 4:15

Bawi Jesuh cu Khanpughi ah Htapa nei, cine ng’kiaa ciah chang cu, Khanpughi ung om ciah kyak ci, Khanpughi phi ani ung om ci.

1 JOHAN 4:2

Khanpughi ah Mumcha ah a kyak la kä a kyak nami hmat nak vai ah mawng cu; Bawi Jesuh Khrit cu hnicim chang ah ng’tüi ne yu kyum lawk ci, ciah ng’kiaa ne yum ciah chang phung cu, Khanpughi ah Mumcha gah ciah kyak ci.

ROMAN 10:10

Mi yum ak awn Khanpughi ung ng’düng nak mi gah ne, mi ng’kyaa nak awn hun nak mi gah ci.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

JOHAN 19:38

Cun kawn ah Arimathea ah kaa Josef cu Pilat ah hteit ne, Bawipa Jesuh ah gook cu a lak sak vai ah pyein ci. (Josef cu Bawipa Jesuh ah ang khah püi ah kyak ci, cun ung phi Jew chang ng’vai gui kyih gui ne a düm ah ng’läk tuk ciah kyak ci.) Pilat naw hlawt sei, Bawipa Jesuh ah a gook cu Josef naw la ne hteh püi ci.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

JOHAN 12:11

A i ah kyasei ci ung, Lasaruh ah hmawk ah Jew chang gui naw, ngami cu nawng-en gui ne, Bawipa Jesuh cu ami yum law ah hmawk ah kyak ci.

JOHAN 11:45

Cun yah ung Mari ah om nak ah lawk ciah chang akda naw, Bawipa Jesuh ah bilawh cu hmu tu u netah, Bawipa Jesuh cu yum lawk ci gui.

JOHAN 9:34

Ngami naw, “Nang cu nanupuk ung katnak awn nang vai lawk ciah kia lang ne, keimi na nam thein gui ci ma, cine pum im ung kaa k’täm ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

LUKA 12:8

“Kei naw akcang ka pyein cu, chang ah maa ah, kei ah chang ah pyein ne, amät ng’kiaa ciah chang cu; khankho chang ah maa ah, Chang ah Htapa naw, amät ah chang ah pyein ne ng’kiaa pek khai.

LUKA 6:22

“Chang ah Htapa ah hmawk ah chang gui naw, ami ning hnu ng’tuk püi gui ung, ami ning nawng gui ung, changshe ah ami ning pyein gui ung, nami yeikyai vai,

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

JEREMIAH 38:19

Ghangpughang naw m’shang ne, “Babilonian gui ah dawng ci gui ah mi khochang gui cu kei naw ka kyih gui ci nnei. Ngami ah kut ung kei cu ami ap ah a kyak ung na dukdeiu nak khai gui nei.”

LUKA 23:13

Pilat naw taigüpa gui Jew chang ng’vai gui la chang a hei gui khü gui netah;

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.