JOHAN 12:36 - Cho Bible Common Language 2016

³⁶ Cun ah kyasei akdei ah om yah ung yum tu vä, cun ung nangmi cu akdei ah hta ah nami kyak khai nei” cine kyak na gui ci. Cun ah ng’thu a pyein kawn ah Bawipa Jesuh cu ngami naw kä ami hmuh ba vai ah ng’thup ne om ci.

JOHAN 12:36 Referans Kwoze

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

1 THESSALONIAN 5:5

Nangmi nami van cu akdei ung ng’len pyi ne, kho hnüüp khäm pyi ciah chang ah nami kyak ci.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

LUKA 16:8

Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

JOHAN 11:54

Cun ah kyasei Bawipa Jesuh cu Judea kho ung ang ngaih ah kä hteit hton ba ci. Cun ungka ng’düi ba ne, kho ng’gau kho ah pei Ephaim gawnu ah hteit ne, ang düihpüi gui awn a täng ah om ci gui.

JOHAN 1:7

Chang gui naw akdei ami yum hmat tu vai ah, akdei ah mawng pyein khai lawk ci.

ISAIAH 60:1

Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!

1 THESSALONIAN 5:8

Cun ung phi mikmi cu akdei ah chang ah mi kyak ci, cim’gang ne mi om khai nei. Mikmi cu yum nak yih sui ne, m’hni nak ah shawi kawt ne, mi ngaih u ah kyak ciah hun nak m’si lukhu cu mi ng’büng khai nei.

JOHAN 3:21

Cun ung phi ng’düng nak awn om ciah chang cu, Khanpughi ah ng’yak hlü ah a om ah mawng ang dang vai ah akdei ah law hlük ci.

MATTHE 21:17

Cun kawn ah Bawipa Jesuh cu cun ah gawnu ungka naw, hteit ba ne Bethani ah mü ip ci.

MATTHE 5:14

Nangmi cu m’dek khan avan ung akdei ah mäih ah nami kyak ci. M’Htung lai ah k’süm ah pigaw cu a i naw kä shung hlawt ci.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

JOHAN 12:37

Ami hmuh vai ah cäi aih vai gui m’dang sei phi ngami naw kä yum ci gui.

JOHAN 12:46

Kei cu m’dek khan ung akdei ah kya ne ka lawk ci, kei na yum ci cu kho hmüp khui ung kä om ba khai.