JOHAN 12:35 - Cho Bible Common Language 2016

³⁵ Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.

JOHAN 12:35 Referans Kwoze

JOHAN 12:46

Kei cu m’dek khan ung akdei ah kya ne ka lawk ci, kei na yum ci cu kho hmüp khui ung kä om ba khai.

JOHAN 16:16

“Kä shou pha sei kä nami na hmu law ba khai, cun kawn ah kä shou pha sei nami na hmu law ba khai” cine pyein ci.

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

JOHAN 11:10

Khomü ung hteit cicu akdei kä hmuk ci kya ne m’thuihshawng ne ng’täng man ci” cik ci.

JOHAN 12:36

Cun ah kyasei akdei ah om yah ung yum tu vä, cun ung nangmi cu akdei ah hta ah nami kyak khai nei” cine kyak na gui ci. Cun ah ng’thu a pyein kawn ah Bawipa Jesuh cu ngami naw kä ami hmuh ba vai ah ng’thup ne om ci.

JOHAN 7:33

Bawipa Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei.

ISAIAH 2:5

Tuhbäi, Jakob ah hta ng’shon gui. Bawipa naw ana pek gui ah akdei ung mi hteit khai nei.

2 KORIN 3:14

Israel chang gui ah m’lung cu ng’khai ci, tuhngawi güt ung thukhän phyim cu ami phat ba phung ung ami m’lung cu, cun ah tampu naw shung gui ci. Bawi Khrih ung ghing ciah chang bäng naw vah cun ah tampu cu liim hlawt ci.

NG'THU K'THUUK~ 4:19

Chang shekha gui ah hteh nak ah lam cu khawmü ah mäih ah hmüp ci. Ami ng’tän ung phi ami ng’vawn nak cu kä hmuk ci gui.

JEREMIAH 23:12

Ngami naw ami hteh nak ah lam cu plai ne hmüp khai; kei naw ngami cu ng’vawn ne ka kiuk sak gui khai. Kei naw ngami ah khan ah leigai ka law püi khai; ngami m’kyuk nak gui vai ah akhin cu gawk lawk ci nei. Kei Bawipa naw ka pyen nei.

JOHAN 11:9

Bawipa Jesuh naw, “Hnüüp ät ung nayi gha-lei-goi om ciah kä kia ne ang? Kho hnüüp ung hteit cicu akdei hmuk ci kya ne, kä m’thuih shawng ne akni ah hteit ci.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

LUKA 18:37

Chang gui naw, Nazaret ah kaa Bawipa Jesuh a law ah mawng m’thein tuk ci gui.