JOHAN 12:3 - Cho Bible Common Language 2016

³ Cun yah ung Mari naw ang htei ah a phu küi ciah Naduh tuing’ui awn Bawipa Jesuh ah akho cu hluk netah, alusam awn htuut ne ghu pek ci.

JOHAN 12:3 Referans Kwoze

JOHAN 11:2

(Shin ah Mari cu Bawipa Jesuh akho, tui ng’ui awn shawi ne alusam awn m’si ciah kyak ci, gaw ciah Lazaruh cu ani ah be ah kyak ci.)

JOHAN 11:32

Mari cu Bawipa Jesuh ah om nak ah gawk ne, Bawipa Jesuh cu hmu law netah, “Bawipa, nang na om vai sü ung kabe kä sik khai süte nei” cik ci.

LUKA 7:46

Nang naw kei ah lu cu kä na na hluk ci, cun ung phi ani naw tuing’ui awn kei ah lu cu hluk pyi ci nei. Cun ah kyasei nang-am ka ning m’thein cu,’ shin ah hnumi cu hmakat nak akda ungka phyawng pyi ci nei.

JOHAN 11:28

Cun kawn ah Mahta cu im ah hteit ba ne a nau Mari cu va khü ba netah, “Bawipa Lawk ci, nang ah mawng phi na ng’shik ci,” cik ci.

SOLOMON NG’Ä~ 1:3

Nang ah mawng cu tui ng’ui ah kyak ci; na ming ni naw cun cu khü ci. A u hnumi naw phi kä ning m’hni ne kä om hlawt ci.

SOLOMON NG’Ä~ 1:12

Ka ghangpughang cu angte nak ung ng’yän ci nei, kei ah ka tui ng’ui cu khokhi ung be ci nei.

SAM 132:2

Bawipa, ani ah a shaitak la Jakob ah m’gäi ciah Khanpughi, nang ung ang taam cu shüm ba ä:

SOLOMON NG’Ä~ 4:10

Na m’hni nak naw na tuihlim sak ci nei ka m’lung ung tuihlim ciah ng’lami hta aw. Na m’hni nak cu sapyit tui ah bä pi ci nei; nang ah tui ng’ui cu, tui ng’ui ni ah ni pi ci nei.

LUKA 10:42

Mari naw aknipi ghü pyi ci, cun cu a u naw kä gut hlawt khai” cik ci.

JOHAN 19:39

Ayan khomü ah Bawipa Jesuh hmu law te ciah Nikodemus cun phi, tui ng’ui a hlü hlü pit m’ku-lei-hma law püi ne, Josef cu läk tuk ci.

NG'THU K'THUUK~ 27:16

Düm ah om khai ah a i hawkcha ah na m’shümthein khai aw? Khokhi cu k’tha na ne na ng’düm sak hlawt khai aw? Na kut ung be ciah situi cu tha na ne nak pang hlawt khai aw?