JOHAN 12:28 - Cho Bible Common Language 2016

²⁸ Cun ung phi kei cu shin ah caiya nak ah a khin cu ka aut khai ah ka lawk ci nei. O Kapa, Na ming theing ung na bämang nak dang sak ä” cine kyak ci. Acun vai-am Khankho ah kaa thang lawk ciah k’aw naw, “Kei naw ka ming theing ah bämang nak cu kang dang sak pyi ci nei, cun kawn ah phi ka dang sak ba khai nei” cine pyein ci.

JOHAN 12:28 Referans Kwoze

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

2 PETER 1:17

Pa Khanpughi naw m’tamkhah nak la bämang nak a peit yah ung keimi phi kami om ci, cun sang ung hlüngtai säih ciah bämang nak awn ng’shan lawk ciah thu k’aw cu, “Shin cu kei ah Htapa nei, ani awn kei ka yei ci nei,” ciah kyak ci.

EPHESIAN 3:21

Cun ah Khanpughi ah bäkhäk nak cu, khrithabum ung la Bawi Khrit ung a kho phlüt ah ng’shü ne om sä! Amen.

EPHESIAN 3:10

Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

EPHESIAN 2:7

Cun ah a bi ah mawng cu, mikmi-am am hni nak cu Bawi Khrit awn am dang nak ung, ani ah am gein nak a i hlawk ah adäm ah mawng cu, ngawi yä chang gui naw ami hmat vai ah hmawk ah kyak ci.

JOHAN 18:11

Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.

JOHAN 11:4

Bawipa Jesuh naw cun cu ng’ya netah, “Shin ah gaw nak cu, sih nak vai ah kä kyak ci, Khanpughi ah hlüngtai nak ang dang nak vai la a shin ah gaw nak awn Khanpughi ah A Htapa ah hlüngtai nak ang shü khang nak vai ah kyak ci.

JOHAN 9:3

Bawipa Jesuh naw, “Ani ah mik am dauh cu, amät ah katnak suh ah phi kä kyak ci, anupa ah katnak ah phäh ah phi kä kyak ci, Khanpughi ah hlüngtai nak ani ung ang dang vai ah hmawk ah kiak ci.

LUKA 9:35

Cun yah ung khankho ah kaa k’aw cu, “Shin cu kei ah Htapa nei, ani cu ghü ne ka m’düih pyi nei, ani ah ng’thu nami ngaih vai nei” ciah thang lawk ci.

LUKA 3:22

Mumcha Theing cu mümbawk ah mäih ah yong law ne, ak khan ah ngo law khätah, “Nang cu ka ning m’hni aih ah ka ning Htapa nei” ciah khankho ah ng’thu k’aw cu thang lawk ci.

MAKUH 14:36

“Kapa Khanpughi, nang cu angtäi avan nam khüt hning ci kiasei, shin ah yaica nak ah khap cu na phiawn ah sak ä. Cun ung phi kei ah ng’yak hlü ah kä kia-en ne, na mät ah ng’yak hlü ah kya sä” ci ne ani naw a bui awt law vai ah yaica nak cu, bä khai a kyak ung a phiawn nak hning vai ah taigü ci.

MAKUH 9:7

Cun kawn ah khomei tumat dang law ne ami khan ah hnim law gui ci. “Shin cu kei ah m’hni ah Ka Htapa nei, ani ah ng’thu cu ngai vä” ciah k’ow cu khomei ungka ng’thang lawk ci.

MAKUH 1:11

Cun kawn ah khankho ah kaa k’aw cun phi, “Nang cu kam hni aih ah ka ning Htapa nei, nang ung kei ka yeikyai ci nei” ciah thang lawk ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

MATTHE 11:26

Kapa Khanpughi, cun gui cu nang na mät ah ng’yak hlü ah kyak ci,” cine pyein ci.