JOHAN 12:27 - Cho Bible Common Language 2016

²⁷ “Tuhbäi kei cu kamlung thüi ci nei, a i cine ka taigü khai aw? Kapa, tuhbäi kei ah khan ah gawk lawk khai ah akhin ungka na phiawn sak kä! ka cik khai ang?

JOHAN 12:27 Referans Kwoze

JOHAN 12:23

Bawipa Jesuh naw, “Chang ah Htapa ah bämang nak ang dang nak ah khin gawk lawk ci nei,

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

JOHAN 13:21

Cun kawn ah Bawipa Jesuh cu am lung kyong ah ang htei ah yaica netah, “Kei naw akcang ka pyein cu, nangmi ungka chang tumat naw kei cu gaa ah kut ung na ap khai nei” cine ang dang ah pyein ci.

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

ISAIAH 38:15

Kei naw a i ka pyen hning khai aw? Bawipa naw shin ah a bi ah kyak ci nei. Ka m’lung cu khak ci, kä ka iphlawt ci nei.

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

LUKA 22:53

Kei cu nangmi awn a täng ah ak hnüüp tä sei pum im ah om lang ngä sei, a i ah kyasei kä nami na pha ang? Cun ung phi nangmi ah akhin cu kho hmüp khui ah kyak ci,” cine pyen na gui ci.

SAM 88:3

Khüikha nak akda ka khan ah gawk law sei, m’htei pei ung ka ngo pyi ci nei.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

JOHAN 11:41

Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei;

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

SAM 6:3

Ka pumsa avan cu yaica ci nei. O Bawipa, kei na na m’htei nak vai, a i güt lüng khai ang?

MATTHE 11:26

Kapa Khanpughi, cun gui cu nang na mät ah ng’yak hlü ah kyak ci,” cine pyein ci.

MATTHE 26:45

Cun kawn ah ang düihpüi gui ah om nak ah law ba netah, “Nangmi cu ip ne ng’düm ne nami om ci ma? Chang ah Htapa cu chang she gui ah kut ung ap vai ah akhin gawk lawk ci nei.