JOHAN 12:20 - Cho Bible Common Language 2016

²⁰ Ami khawihnah taigü nak ung pum tuk khai gui ah Jerusalem ah hteit ciah chang gui ung, Karik chang amshah hteit tuk ci gui.

JOHAN 12:20 Referans Kwoze

JOHAN 7:35

Jew chang vai gui naw, “Mikmi naw shui ne kä mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m’theithang gui khai ang?

LAMKTU 17:4

Chang amshah gui cu Paul ah thu pyein yum u ne Paul la Silas ah chang ah kya lawk ci gui. Acun ah mäih ah Khanpughi yum ciah Krik chang akda gui la hnumi ng’vai gui cu ngahni ah chang ah kya lawk ci gui.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

LAMKTU 8:27

Cun vai am philip cu ng’düi law neh hteit ci. Cun yah ung Etheopia ghangpughang nu ah khawh m’htei pek ciah akci ami k’phyet ah Etheopian bawi tumat om ci. Ani cu a law nak ba ah lam pumung prophet Isaiah ah guk ah cang cim cu phat ci.

MAKUH 7:26

Ani cu Siria kho Phoenicia gawnu ungka Karik hnumi ah kiak ci. Ani naw a hta hnumi ungka khoshe cu, Bawipa Jesuh naw ak täm peit vai ah law ne ng’huipa ci.

KALATIAN 2:3

Ka paw Titus cu Karik chang ah a kyak ung phi ling ne vun-ah nak cu kä ka bi sak ci:

LAMKTU 21:28

Cun ah pha u netah, “Israel chang gui aw, na bi law püi gui vä, shin ah chang cu kho ng’nü ah hteit ne Israel chang gui ni, Moses ah thukhän pum im ah mawng gui ni cu päipih täitawk ne chang gui am m’theithang gui ci nei. Cun bäng ah kä kya ciah shin ah chang naw changpakhui hei gui cu pum im kyong ah law püi gui ne, ak theingcim nak pi cu shetkat sak ci nei” ci ne m’lau ci gui.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LAMKTU 16:1

Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci,

LAMKTU 14:1

Ikonium gawnu ung phi Paul la Barnabas naw Pum im ah hteit ne ng’thu pyein ni sei, Judah chang gui la changpakhui hei gui ak chün naw Bawipa Jesuh cu yum lawk ci gui.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

ROMAN 10:12

Khanpughi cu hnicim chang van ah Bawipa ah kya ne, ani khü ne ng’yoi ciah chang phung am bämang ciah hrilham yuk m’kyum lawk ci. Cun ah kya sei, Jew chang, khui hei chang ciah m’khoichaa nak kä om ci.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

JOHAN 12:1

Pasakha pawi ami bi nak vai hnüüp chuk m’hni ba khätah, Bawipa Jesuh cu Bethani ah hteit ne, sih nak ungka tho ba ciah Lazaruh ah im ah om tuk ci.

JOHAN 12:19

Pharisee gui naw, “Mikmi a i phi mi näng nak kä om ci, teng tu vä, khomdek khan avan naw ani ah hnu ah läk law pyi ci gui nei,” cine ami mät ng’cecäk ci gui.