JOHAN 12:13 - Cho Bible Common Language 2016

¹³ Ngami cu hliip hnah, m’chum hnah gui kawt ne law u netah, “Khanpughi ah bämang nak cu m’hlüngtai vä! Khanpughi ah ang ming awn kyum lawk ciah Bawipa ah khan ah hlüngtai nak om sä! Israel Ghangpughang ah khan ah Khanpughi ah m’shumphyuk nak om sä!” cine m’lau ne Bawipa Jesuh cu ana dou ci gui.

JOHAN 12:13 Referans Kwoze

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

MATTHE 23:39

Kei naw tuhbäi ka pyein cu, ‘Bawipa ming awn kyum lawk cicu Khanpughi naw phyutheh nak be sä,’ cine kä pyein pha ah chuih nang naw kei cu kä na na hmu ba khai nei,” ci ne pyein ci.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

ZEPHANIAH 3:15

Bawipa naw aning m’kyuk nak gui ng’pyi sak ci nei; Ani naw nami ga avan k’täm pyi ci nei. BAWIPA, Israel ghangpughang cu nang awn atäng ah om ci nei; Tuhbäi kyih vai ah mawng a i kä om ba ci nei.

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

TAIGÜTHUM 23:40

Cun ah hnüüp ung nami sing ghing gui ah am theih akni pi gui cu nami k’bih vai, hliip ah ng’ban gui, sing khu ah ng’ban gui shum ät cu la neta, Bawipa nami Khanpughi m’tamkhah nak ah yum nak ah pawi cu nami tün vai.

JOHAN 12:15

Nami Ghangpughang cu ng’se nong ung cun ne gawk lawk ci nei” ciah om ci.

MATTHE 27:42

“Shin ah chang cu, chang hei lä k’phiawn hning ci, amät läi kä k’phiawn hning ne maw, ani cu Israel ghangpughang ah kä kya ne ma, kutlamtung ungka a tuhbäi a kyum law ba ung keimi naw kami yum khai nei.

JOHAN 12:14

Cacim ah a khüm vai ah Bawipa Jesuh cu ng’se nong tumat hmu netah ng’cum ne lawk ci. Cacim ung, “Zion mangkho kä na kyih vai,