JOHAN 12:11 - Cho Bible Common Language 2016

¹¹ A i ah kyasei ci ung, Lasaruh ah hmawk ah Jew chang gui naw, ngami cu nawng-en gui ne, Bawipa Jesuh cu ami yum law ah hmawk ah kyak ci.

JOHAN 12:11 Referans Kwoze

JOHAN 11:45

Cun yah ung Mari ah om nak ah lawk ciah chang akda naw, Bawipa Jesuh ah bilawh cu hmu tu u netah, Bawipa Jesuh cu yum lawk ci gui.

JOHAN 12:18

Cun ah cäi aih vai ah mawng gui cu ngak ba u sei, ng’yak tuk ciah chang gui cu Bawipa Jesuh ana dou vai ah gawk lawk ci gui

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

JOHAN 11:48

Shin ah chang ashin ah mi nawng ung chang päng naw ani cu yum lawk khai gui. Cun ung Roman bawi gui law u ne, na ci law gui khai gui, mi Taigüim gui phi plawh lawk khai gui, mi kho phi m’di lawk khai gui” cine pyein ci gui.

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

JOHAN 11:42

Kapa nang naw kak taigü na na ngaih peit cu ka hmat ci, cun ung phi nang naw kei na na tüih law cu, chang gui naw ami hmat vai ah, ngami ah hmawk ah ka pyein ah kyak ci nei” cik ci.

JOHAN 12:10

Taigüpa gui naw Lasaruh ngawn vai ah pawngpüi ci gui.

JOHAN 12:42

Cun ung phi huham nak om ciah Jew chang akda naw Bawipa Jesuh cu yum ci gui. Cun ung phi pharisee gui naw ngami cu pum im ungka amik täm gui vah kyi u netah, a u naw phi ayum nak ah mawng cu ang dang ah kä pyein ci.