JOHAN 12:1 - Cho Bible Common Language 2016

¹ Pasakha pawi ami bi nak vai hnüüp chuk m’hni ba khätah, Bawipa Jesuh cu Bethani ah hteit ne, sih nak ungka tho ba ciah Lazaruh ah im ah om tuk ci.

JOHAN 12:1 Referans Kwoze

LUKA 24:50

Bawipa Jesuh naw ang düihpüi gui cu Bethani pigaw pei ah khüt ne hteh püi gui netah, a kut k’phiat ne hrilham pe gui ci.

JOHAN 12:20

Ami khawihnah taigü nak ung pum tuk khai gui ah Jerusalem ah hteit ciah chang gui ung, Karik chang amshah hteit tuk ci gui.

JOHAN 11:55

Jew chang vai gui ah pasakha pawi ng’et law ciah kyasei, pigaw yung ah chang gui pawi kä a gawk law pha ung theingthap nak bi vai ah Jerusalem ah gawk lawk ci gui.

JOHAN 11:1

Bethani gawnu ah om ciah Lazaruh cu gaw ci. Bethani cu Mari la Mahta ni ami om nak ah gawnu ah kyak ci.

MATTHE 21:17

Cun kawn ah Bawipa Jesuh cu cun ah gawnu ungka naw, hteit ba ne Bethani ah mü ip ci.

JOHAN 11:44

a hmai phi hlawp nak naw uk sei tho ne lut lawk ci. Bawipa Jesuh naw, “Ang hlawp nak ah yih cu k’phian pe vä” cine pyen na gui ci.

MAKUH 11:11

Bawipa Jesuh cu Jerusalem mang gaw ah gawk law netah, pum im kyong ah hteit ne a päng k’tä ne teng ci. Cun kawn ah khomü hun law khätah ang düihpüi gui awn Bethani pigaw ah hteit ba ci gui.

LUKA 7:37

Cun ah gawnu ung katnak bik ciah hnumi tumat om ci. Ani cu Pharisee ah im ah Bawipa Jesuh ei ei tu ne a om tu ng’ya netah, tuing’ui um ät law püi ne, Bawipa Jesuh ah kho pei ah kyap ne ng’düi ci.

JOHAN 11:43

Cun kawn ah “Layaruh, tho law ba ä” cine m’lau khätah si sei amik phuh cu a kut la akho ung yawknak yih awn ng’hlawp ne,

JOHAN 12:9

Bawipa Jesuh Bethani ah a gawk law cu ng’yak u netah chang akda gawk law ci gui. Ngami cu Bawipa Jesuh ami hmuh vai bäng ah kä kyak ciah, Bawipa Jesuh naw sih nak ungka am ghin ba ah, Lasaruh phi hmu hlük ci gui.

JOHAN 12:12

A ngawi ung Pasakha pawi ung lawk ciah chang khli naw, Bawipa Jesuh cu Jerusalem ah lawk khai cicu ng’yak ci gui.