JOHAN 11:55 - Cho Bible Common Language 2016

⁵⁵ Jew chang vai gui ah pasakha pawi ng’et law ciah kyasei, pigaw yung ah chang gui pawi kä a gawk law pha ung theingthap nak bi vai ah Jerusalem ah gawk lawk ci gui.

JOHAN 11:55 Referans Kwoze

JOHAN 12:1

Pasakha pawi ami bi nak vai hnüüp chuk m’hni ba khätah, Bawipa Jesuh cu Bethani ah hteit ne, sih nak ungka tho ba ciah Lazaruh ah im ah om tuk ci.

JOHAN 6:4

Cun yah ung Jew chang gui ah phiawn nak pawi cu ng’et lawk ci.

JOHAN 2:13

Jew chang gui ah phiawn nak pawi ng’et law sei, Bawipa Jesuh cu Jerusalem ah hteit ci.

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,

ATÜNNAK 35:2

Cun kawn ah Jakob naw akyong ungka gui la a chang gui avan am, “Nami ng’lung ah om ciah a hei khanpughi gui cu nawng u ne, nami mät theingcim sak u ne, nami suisak phi ng’thong yawp vä.

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

1 KORIN 11:28

Cun ah kyasei, chang päng naw amät naw amät ngaih tüh pük pük netah, m’htut cu ei ne khap cu aw sä.

LAMKTU 24:18

Taigüim kyong ah kei cu theingcim nak ka bi kawn ah, peit taak nak ka bi law yah ung, ngami naw kei cu na hmuk ci gui. Cun yah ung chang a u kä om ci, thüngphyong pamcai nak phi i kä om ci.

JOHAN 18:28

A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

JOHAN 5:1

Cun kawn ah Jew chang gui ah pawi om sei Bawipa Jesuh cu Jerusalem kho ah hteit ba ci.

JOHAN 2:6

Acun ung chang gui naw, ami m’simsäi nak vai tui taang goi ci ah yu nak ah hlüng nu gui chuk om ci.

MAKUH 14:1

Phyawn nak pawi la k’caw kä shum ne m’htut den nak ah pawi a gawk law nak vai hnüüp goi m’hni ba khätah, taigüpa gui la thukhän saya gui cu Bawipa Jesuh adüm ah pha ne ngawn nak vai ah lam shui ci gui.

MATTHE 26:1

Bawipa Jesuh naw cun ah am theitang gui kawn ah ang düihpüi gui-am,

SAM 26:6

Bawipa, kei cu ka kut m’si ne, katnak kä a om ah mawng ka m’dang ci, mang kyang veing ne ka khawihnah ci nei.

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

1 SAMUEL 16:5

Ani naw, “Ä, kei cu Bawipa am khawihnah nak ka douthak khai ah ka lawk ci nei. Nami mät theingthap sak neta law tu vä” cik ci. Ani naw Jesse la a hta gui phi ami mät ami theingthap vai ah pyen na gui neta, khawihnah nak ah khü gui ci.

KHEI NAK 9:6

Cun ung phi gook tawn u ne kä theingthap ciah chang amshah om ci gui. Ngami cu cun ah hnüüp ung phyawn nak pawi bi tu vai ah kä khin ci gui. Ngami naw Moses la Aaron ah hteit u neta,

KHEI NAK 9:10

Israel chang gui a pyen nak gui vai a pyen nak cu, “Nangmi ungka, käcung nami htangshon naw gook a tawn ah a kyak ung, kä cung lam k’hla ah a hteh ah a kyak ung, ani cu phyawn nak pawi bi hlü täng khai,

MATTHE 26:2

“Ak hnüüp hnih nak ung phiawn nak pawi om khai ah nami hmat ci. Cun yah ung Chang ah Htapa cu kutlam tung ung tai ne ami ngawn vai ah ga ah kut ung ap khai gui nei,” cine pyein ci.

LUKA 22:1

Phiawn nak pawi ah ming ciah k’caw kä shum ne m’htut deng ne bi ah pawi cu ng’et lawk ci.

LAMKTU 21:24

Ngami awn a täng ah hteit u netah a täng ah theingcim nak cu nami bi vai, nami lu nami k’teiu nak ah ang khah cu nang naw na peit vai. Cun ah na bi ung nang ah mawng chang gui ah pyein cu kä hman ciah hmu u ne, na mät naw ma ne, Moses ah thukhän cu na läk ciah chang a van naw hmat khai gui.

LAMKTU 21:26

Cun ah kyasei Paul naw a ngawi ung cun ah chang phli cu khü gui netah theingcim nak cu bi püi gui ci. Cun kawn ah ani cu pum im ah hteit ne, theingcim nak a mi bi ang pyi nak vai ah a khin la ami mät phäh phäh naw ap ne ami peit nak vai ah a khin cu ng’daut ne m’thein gui ci.