JOHAN 11:51 - Cho Bible Common Language 2016

⁵¹ (Cun aci cu ani amät ah ngaih düt ah a pyein ah kä kyak ci, ani cu acu kum taigütung ah kyak ciah kya ne, Jew chang avan ah hmawk ah Bawipa Jesuh asih vai ah mawng la,

JOHAN 11:51 Referans Kwoze

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

1 SAMUEL 23:9

Saul naw tu lawk khai ah apawng ah mawng cu David naw ng’ya neta, ani naw taigüpa Abiatha am, “Shawi sha law püi ä” cik ci.

PHYAWN NAK 28:30

Urim la Thummim cu ng’kyangsaphaw ung nami dak vai. Cun ung kei ah theingciim ciah ka om nak ah a law ung, Aaron naw k’bah lawk khai. Akhin päng ung Aaron naw ng’kyangsaphaw cu a sui vai, cun ung ani naw Israel chang gui ah phäh ah kei ah ng’yak hlü cu m’dang hning khai.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

1 SAMUEL 28:6

Cun ah kyasei a i ka bik khai cine Bawipa cu ng’shik ci. Cun ung phi Bawipa naw kä m’shang pang ci, ng’mang ung phi kia, Urim, Thummim la prophet awn phi kä m’shang ci.

KHEI NAK 24:2

Israel chang gui naw pakhui phäh phäh ah shaum co ne ami om cu hmu gui ci. Khanpughi ah mümcha naw ani cu k’pang khäta,

KHEI NAK 22:28

Cun ung Bawipa naw sela am ng’thu nak thei ah huham pe khäta, ani naw Balaam am, “Nang ah khan ah a i ang ka bi? A i ah kyasei nang naw thum vei na na teiuh ang?” cik ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

JOHAN 11:49

Ngami ung kaacun ah khokum ung taigütung ah kyak ciah Kaiaphas naw,

JOHAN 18:13

Ani cu cun kum Taigü Tung ah kyak ciah Kaiaphas ah ak kawi ah kiak ci.

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.