JOHAN 11:47 - Cho Bible Common Language 2016

⁴⁷ Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?

JOHAN 11:47 Referans Kwoze

MATTHE 26:3

Cun yah ung taigüpa gui la chang vai gui cu taigütung Kaiaphas ah mang im ah ng’bum ci gui.

JOHAN 12:19

Pharisee gui naw, “Mikmi a i phi mi näng nak kä om ci, teng tu vä, khomdek khan avan naw ani ah hnu ah läk law pyi ci gui nei,” cine ami mät ng’cecäk ci gui.

JOHAN 11:57

Taigüpa gui la ang vaipi gui naw, “Jesuh cu pha vai kya sei, ani ah om nak hmat ciah chang naw a pyein law vai nei” ci ne ng’thu ami m’shäk yawp pyi ah kyak ci.

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

LAMKTU 5:24

Cun ami cicu Taigü khem lah m’kawt ngäng ciah ang vaipi naw ng’yak ni netah, “Shin ah mawng cu a i hawkcha ang cineh ngai khit ci gui.

LAMKTU 5:21

Ang düihpüi gui cu khankho chang ah ng’thu ngai u ne, ai khawn htük ung Taigüim ah hteit ne m’thei thang ci gui. Taigü tung la apaw gui ni, kawngsi gui ni ng’ge nak vai cine Zudah ng’vai gui cu khü gui ci gui. Cun kawn ah gakap gui tüi gui ne, ang düihpüi gui cu khü sak gui ci gui.

LUKA 22:2

Taigü ng’vai gui la thukhän saya gui cu, chang gui kyih u netah, Bawipa Jesuh ngawn nak vai ah lam cu adüm ah shui ci gui.

MAKUH 14:1

Phyawn nak pawi la k’caw kä shum ne m’htut den nak ah pawi a gawk law nak vai hnüüp goi m’hni ba khätah, taigüpa gui la thukhän saya gui cu Bawipa Jesuh adüm ah pha ne ngawn nak vai ah lam shui ci gui.

JOHAN 6:2

Gawpai ci gui a gai sak ba gui cäi aih vai ah hmu tu te ci gui ah chang akda naw a hnu ah läk lawk ci gui.

JOHAN 7:32

Cun ah chang gui naw, Bawipa Jesuh ah mawng ami pyein cu ng’ya u netah, pharise gui la taigüpa gui naw, gakap gui cu tüi ne Bawipa Jesuh cu phaa sak gui ci gui.

JOHAN 7:45

Gakap gui cu pharise gui la taigüpa gui ah om nak ah law ba u khätah, a i ah kyasei pha ne kä nami law püi ang?” cine ng’shi gui ci gui.