JOHAN 11:44 - Cho Bible Common Language 2016

⁴⁴ a hmai phi hlawp nak naw uk sei tho ne lut lawk ci. Bawipa Jesuh naw, “Ang hlawp nak ah yih cu k’phian pe vä” cine pyen na gui ci.

JOHAN 11:44 Referans Kwoze

JOHAN 5:25

Kei naw akcang ka pyein cu, akhin gawk law pyi ci, chang si gui naw Khanpughi ah A Htapa ah k’o ng’ya u netah, ghin nak ami gah nak ba vai ah akhin cu, tuhbäi gawk law pyi ci nei.

JOHAN 20:7

Bawipa Jesuh ah lu ami hlawp nak ah lupawng cu, yih gui awn kä ng’caw ah a hei ah ng’cho ne ng’yän tu hnga sei hmuk ci.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

JOHAN 10:30

Kapa la kei cu tumat ah kani kyak ci” cik ci.

JOHAN 5:21

Apa naw aksi m’ghin ba ne, ghin nak a peit ah mäih ah A Htapa naw phi ang yak hlü ah chang cu m’ghin ba khai.

LUKA 7:15

Cun kawn ah Bawipa Jesuh naw anu-am ap ba ci.

1 SAMUEL 2:6

Bawipa naw hnun gui m’sih ci hnun gui m’ghin ci; ani naw chang gui sih nak ah khaw ah tüi gui ci, law püi ba gui ci.

ATÜNNAK 1:3

Khanpughi naw, “Kho dei sä” ci sei, kho dei lawk ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

JOHAN 19:40

Ngani naw Jew chang gui ah ami thung man ah, tui ng’ui awn shawi ne, yih bawk awn hlawp ne k’tom ci goi.

MAKUH 5:43

Bawipa Jesuh naw, “Shin ah a mawng cu a u-am phi kä nami m’thein-en vai” cine ak tung ah khän gui netah, “Hnumi hta-am ei m’bei vä” cine pyen na gui ci.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

JOHAN 20:5

Ani naw khui m’kawt yuk teng netah, k’tom nak ah yih gui cu ng’phlu sei hmuk ci. Cun ung phi khui ung kä vah luh ah ng’düi ci.

JOHAN 11:39

Phuh hmun cu lung awn khai ci gui. Bawipa Jesuh naw, “Lungnu cu m’hnawn vä” cik ci. Sik ciah pai Mahta naw, “tuhta läi thu lawk khai nei, asih nak hnüüp phli law pyi ci” cik ci.

LUKA 19:20

Changshäm tumat cun phi law ne, “Bawipa aw, na na peit shüt ah tangka aphe cu acun a lüng ah om ci nei, ak ni ah ka gim ci nei,

JOHAN 11:43

Cun kawn ah “Layaruh, tho law ba ä” cine m’lau khätah si sei amik phuh cu a kut la akho ung yawknak yih awn ng’hlawp ne,