JOHAN 11:38 - Cho Bible Common Language 2016

³⁸ Bawipa Jesuh cu ang htei ah ayä aih netah, ng’ciim hmun ah hteit ci.

JOHAN 11:38 Referans Kwoze

JOHAN 11:33

Bawipa Jesuh naw, Mari la ani awn lawk ci gui ah chang gui ami van kyap u sei hmu gui netah, ang htei ah thüi ne am lung kyong ah ayä ci.

MATTHE 27:60

Cun kawn ah kä shou phak ciah lung kheng ami shawk ah amät ah ng’cim hmun khui ung chum ne phuh netah, khui m’kawt cu lungnu tumat k’täng ne khai shüt netah hteit ba ci.

JOHAN 20:1

Hnüüp chih ung ak hnüüp ät hnüüp, kho ngawi hta ah kho thai ghi ghi sei, Mari Makadalen cu ng’cim hmun ah hteit netah, khui m’kawt ami khai nak ah lung cu ng’hmawng sei hmuk ci.

LUKA 24:2

Ng’phuh hmun khui m’kawt ami khai nak ah lungnu cu m’hnawn ah kia sei hmu u netah, khui kyong ah lut ci gui.

ISAIAH 22:16

“Nang cu a u ah na kyak ciah ang na ngaih? Lungkhen k’pang khui shawk ne, ng’phuh hmun pyan nak hning vai nan gung om ne ang?

ATÜNNAK 23:19

Cun ah kyasei Abraham naw ak chu Sarah cu Kanaan khaw, acun ah ng’cim hmun ung k’phuh ci.

MAKUH 15:46

Josef naw Bawipa Jesuh ah a gook cu kutlamtung ung kaa, chang ba netah yih bawk awn hlawp ne k’tom ci. Cun kawn ah lung ami shawk ah ng’cim hmun khui ung k’phuh netah, khui m’kawt cu lungnu m’hlat ne khai shüt ci.

MAKUH 8:12

Bawipa Jesuh naw ngai shäng netah, “Tuhchü chang gui naw a i ah kyasei cäi aih vai ami thäh ang? Kei naw akcang ka pyein cu, shin ah chang gui-am, cun ah cäi aih vai gui cu, kä m’dang gui vai nei” cine kyak na gui ci.

MATTHE 27:66

Cun ah kyasei ngami cu ng’cim hmun ah hteit u netah, Khai nak ah lung cu, ca gei ne m’hnüt ne, phuh hmun m’kawt cu khäng htek khai ah khai ci gui. Cu kawn ah gakap gui-am ngäng sak ci gui.

EZEKIEL 21:6

“Hnicim chang, anghtei ah na theisei ciah mäih ah ng’hlaw ei ä. Chang nü naw a ning hmuh vai ah a yä ne, ng’hlaw ei ä.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.